អង់គ្លេស៖ លោក Roy Keane បានចេញមុខនិយាយថា ខ្សែប្រយុទ្ធ Raheem Sterling អាចនឹងមានរឿងឈ្លោះប្រកែកគ្នាជាមួយ លោកគ្រូបង្វឹក Pep Gaurdiola នៃក្លិប Manchester City ។
Sterling កំពុងលេចឮពាក្យចចាមអារ៉ាមថាគេអាចនឹងចាកចេញពីទឹកដី Etihad ខណៈក្លិប Barcelona កំពុងចាប់អារម្មណ៍ចង់ទិញយកបន្ទាប់ពីឮថាកុងត្រារបស់កីឡាករសញ្ជាតិអង់គ្លេសរូបនេះនៅសល់តែ១ឆ្នាំទៀតប៉ុណ្ណោះ។
យ៉ាងណាមិញ នៅរដូវកាលនេះ លោក Pep មិនសូវដាក់ឲ្យ Sterling ចូលលេងបានទៀងទាត់ដូចមុនទេ ហើយគេលេងបាន៩០នាទីពេញ តែក្នុងប្រកួតទល់នឹង Southampton ប៉ុណ្ណោះដែលធ្វើឲ្យលេចឮពាក្យចចាមអារ៉ាមថា ទំនាក់ទំនង Pep និង Sterling អាចនឹងមិនសូវល្អ។
ជាងនេះទៅទៀត លោក Pep ក៏បានទិញយកខ្សែបម្រើ Jack Grealish ពី Aston Villa មកផងដែរដែលធ្វើឲ្យឱកាសនៃការបង្ហាញខ្លួនរបស់ Raheem Sterling មិនបានច្រើនដូចមុន។
ដោយឡែក លោក Roy Keane បានបង្ហើបថា Sterling ខកខានមិនបានចូលលេងទៀងទាត់ដូចមុនក៏ដោយសារគេមានរឿងជាមួយ Pep ៖
គេប្រាកដជាមានរឿងឈ្លោះប្រកែកគ្នាជាមួយ Pep ហើយ។ វាអាចនឹងមានរឿងកើតឡើងនៅទីនោះ បន្ទាប់មកក្លិបក៏បានទិញយក Grealish ។ ប៉ុន្តែគេនៅសល់ពេលច្រើនទៀតខណៈដែលគេត្រូវធ្វើការរួមជាមួយអ្នកចាត់ការដ៏ឆ្នើមនិងក្លិបដ៏ធំ ដើម្បីប្រជែងយកពាន។ គេគ្រាន់តែផ្ដោតសមាធិលើការប្រកួតទៅ ហើយគ្រប់យ៉ាងនឹងល្អប្រសើរព្រោះគេជាកីឡាករដែលមានគុណភាព។
ប្រភព៖ mirror
Bong I.T