អាមេរិក៖ នារីម្នាក់មានឈ្មោះថា Linsey Donovan បានក្លាយជាអ្នកមានទាំងវ័យក្មេង ក្រោយពីចាកចេញពីផ្ទះក្នុងថ្ងៃកំណើតអាយុ១៨ឆ្នាំរបស់នាង ដើម្បីចាប់ផ្ដើមជីវិតឯករាជ្យ ដោយមិនចាំបាច់ទីពឹងលើឪពុកម្ដាយតទៅទៀត។

នារីរូបនេះ បច្ចុប្បន្នមានអាយុ២១ឆ្នាំ បានផ្លាស់ទៅរស់នៅក្នុងរដ្ឋផ្លរីដា នៃសហរដ្ឋអាមេរិក ដោយគ្មានប្រាក់ច្រើនជាប់ខ្លួនឡើយ និងប្ដេជ្ញាចិត្តថា នឹងធ្វើឲ្យជីវិតរបស់ខ្លួនជោគជ័យ ព្រោះឪពុកម្ដាយរបស់នាងក៏មិនមានប្រាក់ដើម្បីជួយនាងឲ្យធ្វើអ្វីមួយដែរ។ តួយ៉ាង នាងបានខិតខំធ្វើជាតារាម៉ូដែល ដោយការឡាយវីដេអូនៅលើបណ្ដាញអ៊ីនធើណេតជាប្រចាំ រហូតដល់ធ្វើឲ្យនាងមានអ្នកតាមដានជាច្រើននាក់ និងអាចរកប្រាក់ចំណូលបាន៦០០ដុល្លារអាមេរិកក្នុងមួយថ្ងៃ ហើយលោតទៅដល់២,០០០ដុល្លារអាមេរិកឯណោះក្នុងមួយថ្ងៃ ឬច្រើនជាងនេះក៏មាន។ ទន្ទឹមនឹងនេះដែរ នាងមិនបានចំណាយប្រាក់ដែលរកបានទៅលើសម្ភារនិយមថ្លៃឡើយ ដោយសន្សំទុករហូតដល់ទិញផ្ទះដំបូងសម្រាប់ខ្លួនឯងមួយខ្នង។ ហើយមកទល់ពេលនេះ នាងបានទិញផ្ទះចំនួន៧ខ្នងហើយ ទាំងដែលសព្វថ្ងៃ នាងកំពុងរស់នៅក្នុងវិមានដ៏ធំមួយតម្លៃចំនួនលានដុល្លារអាមេរិក។ ចំពោះបន្ទប់របស់នាងវិញ មានការតុបតែងយ៉ាងស្អាត ដូចទៅនឹងតុក្កតាបាប៊ី ដោយមានទំហំជិត២,០០០ហ្វីតការ៉េផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ថ្វីបើនាងទទួលបានជោគជ័យក្នុងជីវិត និងមានអ្វីថ្លៃៗគ្រប់យ៉ាងក៏ដោយ ក៏នាងមិនបានភ្លេចឪពុកម្ដាយដែរ ដែលចង់ឲ្យពួកគាត់ផ្លាស់មករស់នៅក្នុងរដ្ឋផ្លរីដា។ ហើយនាងក៏បានរៀបចំការភ្ញាក់ផ្អើលមួយសម្រាប់ឪពុកម្ដាយ ដោយការទិញវិមានដ៏ធំមួយជូនទៅកាន់ពួកគាត់តែម្ដង៕

ប្រភព: Youtube / infoflexed

សូមទស្សនារូបភាពនិងវីដេអូខាងក្រោម៖

រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
រូបភាព
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]