ថៃរាយការណ៍ពីករណីឆ្លងកូវីដ​ថ្មី ជិត ១ម៉ឺននាក់ ក្នុងមួយថ្ងៃ

បាងកក៖ ក្រសួងសុខាភិបាលថៃ នៅថ្ងៃច័ន្ទនេះ បាន​កត់ត្រាករណីឆ្លងកូវីដ១៩ថ្មី ចំនួន ៩,៩៣០នាក់ និងមានអ្នកស្លាប់ចំនួន ៩៧នាក់បន្ថែមទៀត ក្នុងរយៈពេល ២៤ ម៉ោងចុងក្រោយ។

ក្នុងចំណោមករណីឆ្លងថ្មីនេះ មាន​ ៩,៥៦៨នាក់ ជាប្រជាជនទូទៅ និង ៣៦២នាក់ ​អ្នកទោសក្នុងពន្ធនាគារ។ ​ នៅថ្ងៃដដែល មានអ្នកជំងឺ​ ១២,៣៣៦នាក់ ត្រូវបានអនុញ្ញាតឱ្យចេញពីមន្ទីរពេទ្យ បន្ទាប់ពីបានទទួលការព្យាលបាលជាសះស្បើយ។

គួរឱ្យដឹងដែរថា គិតមកដល់ពេលនេះ ថៃមានអ្នកឆ្លងសរុប ១,៦៤៧,៣៦២នាក់ ស្លាប់ ១៧,១១១នាក់ និងជាសះស្បើយសរុប ១,៥២០,៥០៣នាក់៕