បរទេស៖ កូនប្រុសរបស់កីឡាករ Cristiano Ronaldo បានបង្ហាញអាការៈបែបហួសចិត្ត នៅពេលគាត់បានជួបជាមួយ Lionel Messi ជាលើកដំបូង ខណៈពេលនោះ Cristiano Ronaldo Jr បានលាន់មាត់ថាអតីតវីរៈបុរសក្រុមជម្រើសជាតិ អាហ្សង់ទីន រូបនេះពិតជាទាបខ្លាំងណាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ថ្វីដ្បិតតែឪពុករបស់គេត្រូវជាដៃគូប្រកួតប្រជែងដ៏ស្វិតស្វាញនៅលើទីលានជាមួយ Messi អស់រយៈពេលជាង ១៥ ឆ្នាំទៅហើយក្តី, ក៏ Cristiano Jr នៅតែជាអ្នកគាំទ្រដ៏ងប់ងល់របស់ខ្សែប្រយុទ្ធម្ចាស់ពាន Ballon d’Or ៦ សម័យគ្មានថ្ងៃផ្លាស់ប្តូរឡើយ ហើយម្យ៉ាងទៀតគាត់តែងតែហៅ Messi ថាជានិមិត្តរូបពេញៗមាត់នៅចំពោះមុខ Ronaldo ផងដែរ។
ថ្លែងប្រាប់សារព័ត៌មាន Marca លោកស្រី Dolores Aveiro ដែលត្រូវជាម្តាយរបស់ Ronaldo បានបង្ហើបឱ្យដឹងពីពាក្យសម្តីចៅប្រុសរបស់គាត់ដែលបានលាន់មាត់ កំលុងពេលជួប Messi ដំបូងយ៉ាងដូច្នេះថា៖
ខ្ញុំបាននៅជាមួយគាត់ (Cristiano Jr) ហើយខ្ញុំបានចង្អុរប្រាប់គាត់ នោះគឺជា Messi, ហើយបន្ទាប់មកគាត់ក៏បានឆ្លើយមកវិញថា, នោះមិនមែនជា Messi ទេដឹង, ម៉េចបានគាត់ទាបម្ល៉េះ៕
ប្រភព៖ Sportbible
Bong I.T