អឺរ៉ុប៖ លោក Antonio Conte មិនចាប់អារម្មណ៍ក្នុងការក្លាយខ្លួនជាគ្រូបង្វឹក របស់ក្លិបអ្នកមានបុណ្យ Barcelona ឬក្លិបកាំភ្លើងធំ Arsenal ទេ បើទោះកៅអីរបស់គ្រូបង្វឹករបស់នៃក្រុមទាំងពីរ កំពុងឡើងកម្ដៅក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតណាស់ បច្ចុប្បន្នគ្រូបង្វឹកសញ្ជាតិអ៊ីតាលី វ័យ៥២ឆ្នាំរូបនេះ ទំនេរពុំមានក្លិបដឹកនាំទេ បន្ទាប់ពីបញ្ចប់កិច្ចសន្យាជាមួយ Inter Milan ក្រោយបានជួយក្លិបយក្សនៅ Serie A មួយនេះឈ្នះជើងឯក ក្រោយខកខានអស់រយៈពេល១១ឆ្នាំ។
ហើយលក្ខខណ្ឌមួយ នៅក្នុងកិច្ចព្រមព្រៀងបញ្ចប់កិច្ចសន្យានោះ លោក Conte ត្រូវបានហាមមិនឲ្យដឹកនាំក្រុមណាមួយនៅក្នុងក្របខណ្ឌ Serie A រហូតដល់រដូវកាលក្រោយ។
ទោះជាយ៉ាងណា លោក Conte ក៏ត្រូវបានក្លិបនៅបរទេសមួយចំនួនចាប់អារម្មណ៍ផងដែរ ប៉ុន្ដែអ្នកកាសែតរបស់ Sky Sport Italia លោក Fabrizio Romano បានអះអាងថា គ្រូបង្វឹករូបនេះក៏មិនចង់ដឹកនាំក្លិបណាមួយ នៅពាក់កណ្ដាលរដូវកាលទេ ដោយសារចង់ចាប់យកឳកាសនៅរដូវកាលបន្ទាប់៕
ប្រភព៖ dailymail