អេស្ប៉ាញ៖ ក្លិបអធិរាជស Real Madrid ត្រូវបានគេរាយការណ៍ថាចង់ទិញយកខ្សែការពារ Trent Alexander-Arnold ពីក្លិបហង្សក្រហម Liverpool នេះបើយោបតាមសារព័ត៌មាន El Nacional ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សAlexander-Arnold គឺជាកីឡាករស្នូលមួយរូបនៅតំបន់ប្រយុទ្ធរបស់លោកគ្រូបង្វឹក Jurgen Klopp ដោយកីឡាករវ័យ២២ឆ្នាំរូបនេះបានចុះកុងត្រាស្នាក់នៅទឹកដី Anfield រហូតដល់ឆ្នាំ២០២៥។
ដោយឡែក Real Madrid ដែលដឹកនាំដោយលោក Carlo Ancelotti ចង់នាំយក Alexander-Arnold មកកាន់ទឹកដី Santiago Bernabeu ព្រោះខ្សែការពារ Dani Carvajal និង Lucas Vasquez កាន់តែមានវ័យច្រើនហើយ។
យ៉ាងណាមិញ Liverpool គ្មានគម្រោងលក់តារាវ័យក្មេងរូបនេះទេហើយបើទោះជាលក់ក៏ក្លិបមួយនេះទាមទារថ្លៃខ្លួនរបស់ Arnold មិនក្រោម១០០លានអឺរ៉ូ(ស្មើនឹងប្រមាណ ១១៧.២លានដុល្លារ)នោះដែរ៕
ប្រភព៖ sportskeeda