ក្រោយបែកគ្នា អតីតគូស្នេហ៍ Fan Bingbing បានឈ្នះក្ដីពីការប្ដឹងផ្ដល់ទៅលើពាក្យចចាមអារ៉ាមមិនពិត

ចិន៖ ថ្មីៗនេះ យោងតាមប្រព័ន្ធផ្សព្វផ្សាយក្នុងស្រុកមួយ បានរាយការណ៍ថា តារាសម្តែងប្រុស លោក Li Chen ដែលត្រូវគេស្គាល់ថា​ជាអតីតគូស្នេហ៍របស់ តារាស្រី Fan Bingbing បានឈ្នះក្ដី នៅក្នុងពាក្យបណ្តឹងប្រឆាំងបុគ្គលដែលបានផ្សព្វផ្សាយពាក្យចចាមអារ៉ាម ពាក់ព័ន្ធនឹងកេរ្តិ៍ឈ្មោះរបស់លោក បន្ទាប់ពីបានបែកបាក់គ្នាជាមួយនឹង Fan Bingbing។ 

មិនត្រឹមតែប៉ុណ្ណោះ យោងតាមការសម្រេចរបស់តុលាការ ជនជាប់ចោទត្រូវធ្វើការប្រកាសសុំទោសជាសាធារណៈនៅលើបណ្តាញសង្គម ព្រមទាំងត្រូវសងសំណងសរុប រហូតដល់ទៅ ៦ ម៉ឺនយ័ន (ជាង ៩ពាន់ដុល្លា) ។

នៅក្នុងនោះដែរ វាត្រូវបានគេដឹងថា ដោយសារតែ Li Chen និង Fan Bingbing មានវិបត្តិស្នេហា ហើយទីបំផុតក៏បានសម្រេចចិត្តបែកគ្នានោះ តារាប្រុសរូបនេះ ក៏ត្រូវបានគេផ្សព្វផ្សាយព័ត៌មានមិនពិតជាច្រើនដង ដែលធ្វើឲ្យមានផលប៉ះពាល់ធំ ដែលក្នុងករណីនេះ គឺមានរយៈពេលបីឆ្នាំមកហើយ៕

ប្រភព៖ Ngoisao.vn

សូមទស្សនារូបភាពខាងក្រោម៖