បរទេស៖ កីឡាករ Robert Lewandowski បានឈ្នះស្បែកជើងមាសប្រចាំទ្វីបអឺរ៉ុប (European Golden Boot) សម្រាប់រដូវកាល ២០២០-២០២១, ជាមួយគ្នានោះ គាត់បានលើកឡើង និងសរសើរអំពីរបៀបលេងរបស់ Karim Benzema ជាខ្លាំង ចំពោះការបង្ហាញខ្លួនរបស់គាត់នៅ Real Madrid កន្លងមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួរបញ្ជាក់ថា ខ្សែប្រយុទ្ធឆ្នើមរបស់ក្រុម Bayern Munich ទទួលបាននូវពានរង្វាន់មួយនេះ បន្ទាប់ពីគាត់បានទម្លាយសំណាញ់ទីដៃគូប្រកួតចំនួន ៤១ គ្រាប់នៅក្នុងក្របខណ្ឌ Bundesliga នៅរដូវកាលមុន, ជាពិសេស គាត់ពិតជាបានចូលរួមចំណែកយ៉ាងធំធេងក្នុងការជួយឱ្យក្លិបយក្សរបស់អាល្លឺម៉ង់ឈ្នះពានរង្វាន់ផ្សេងៗផងដែរ។
ថ្លែងប្រាប់គេហទំព័រ Marca ខ្សែប្រយុទ្ធសញ្ជាតិ ប៉ូឡូញ បានរៀបរាប់យ៉ាងដូច្នេះថា៖
ខ្ញុំពិតជាកោតសរសើរទៅកាន់ Karim ខ្លាំងណាស់, មិនត្រឹមតែគ្រាប់បាល់ដែលគាត់ធ្លាប់ស៊ុតបញ្ចូលទីនោះទេ ប៉ុន្តែខ្ញុំសូមសរសើរអំពីរបៀបលេង ដែលគាត់សហការជាមួយមិត្តរួមក្រុមរបស់គាត់។ ការងាររបស់គាត់ជាមួយមិត្តរួមក្រុម គឺជាអ្វីដែលខ្ញុំចូលចិត្តគាត់បំផុត។ គាត់ជាកីឡាករដ៏អស្ចារ្យម្នាក់៕
ប្រភព៖ Marca
Bong I.T