ប៉ុន្មានទៅ? Ronaldo បានហក់មកឈរលើ Messi វិញក្នុងនាមជាកីឡាករបាល់ទាត់ រកប្រាក់ចំណូលបានច្រើនជាងគេ

បរទេស៖ ការផ្ទេរទៅកាន់ក្រុម Manchester United របស់ Cristiano Ronaldo បានធ្វើឱ្យគាត់ឡើងចំណាត់ថ្នាក់មកឈរលើ Lionel Messi វិញ ក្នុងនាមជាកីឡាករបាល់ទាត់ដែលរកប្រាក់ចំណូលបានច្រើនជាងគេបំផុតប្រចាំរដូវកាល ២០២១-២០២២ នេះ, នេះបើតាមរបាយការណ៍របស់ទស្សនាវត្តី Forbes។

Ronaldo គឺទទួលបានប្រាក់ចំណូលសរុបចំនួន ៩១.៥ លានផោន ឬប្រមាណជា (១២៥ លានដុល្លាអាមេរិក) មុនពេលបង់ពន្ធសម្រាប់រដូវកាល ២០២១-២០២២ , ជាមួយគ្នានោះ ក៏មានការបន្ថែមទឹកប្រាក់ចំនួន ៥១.២៥ លានផោន ឬប្រមាណជា (៧០ លានដុល្លាអាមេរិក) ទៀតដែរ សម្រាប់ការលើកទឹកចិត្តក្នុងការវិលត្រឡប់មកកាន់ទឹកដី Old Trafford វិញ។

Messi បានធ្លាក់មកឈរនៅពីក្រោយ Ronaldo វិញ, ដោយបច្ចុប្បន្នគាត់ទទួលបានប្រាក់ចំណូលចំនួន ៨០.៥ លានផោន ឬប្រមាណជា (១១០ លានដុល្លាអាមេរិក) សម្រាប់រដូវកាលនេះ, ហើយចំណែកមិត្តរួមក្រុមរបស់គាត់នៅ Paris Saint-Germain មាន Neymar និង Mbappe ក៏ស្ថិតនៅក្នុងចំណាត់ថ្នាក់លើគេទាំង ៤ អ្នកផងដែរ៕

ខាងក្រោមនេះជាតារាងចំណាត់ថ្នាក់របស់កីឡាករទាំង ១០ រូបដែលរកប្រាក់ចំណូលបានច្រើនជាងគេបំផុត៖

ប្រភព៖ Goal