កម្ពុជា៖ កីឡាករវ័យក្មេង គី រីណា របស់ក្រុមកូនពៅព្រៃវែងអេហ្វស៊ី បានបង្ហើបថារូបគេស្ដាយណាស់ដែលមិនបានលេងតទល់នឹងនិមិត្ដរូបរបស់ខ្លួន គឺខ្សែបម្រើក្រុមណាហ្គាវើលដ៍ សុះ ស៊ូហាណា ក្នុងការប្រកួតនៅកីឡដ្ឋានខេត្ដព្រៃវែង កាលពីថ្ងៃទី១៥ ខែកញ្ញា ម្សិលមិញ។ ដោយសារតែត្រូវអនុវត្តបម្រាមមួយប្រកួត បន្ទាប់ពីទទួល បាន កាតលឿង៣សន្លឹកក្នុងការប្រកួត ៣លើកផ្សេងគ្នាកន្លងមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រីណា បាននិយាយថា៖
កីឡាករដែលខ្ញុំចូលចិត្ត គឺបង សុះ ស៊ូហាណា។ ខ្ញុំចាប់ផ្ដើមចូលចិត្តគាត់ កាល៤-៥ឆ្នាំមុន ពេលខ្ញុំហាត់នៅក្រុមជម្រើសជាតិអាយុក្រោម១៥ឆ្នាំ កាលណោះមានលោកគ្រូ Lee Tae-hoon ជាគ្រូបង្គោល។ គាត់និយាយថា កីឡាករដែលគាត់ចូលចិត្ត គឺបង សុះ ស៊ូហាណា ហើយខ្ញុំក៏ចាប់ផ្ដើមចូលចិត្តគាត់ដែរ។ ខ្ញុំក៏ស្ដាយដែលមិនបានលេងប៉ះគាត់ និងក្រុមខ្លាំងដូចណាហ្គា ព្រោះអីបើបានលេងតទល់ ក្រុមខ្លាំង សមត្ថភាពយើងក៏អាចរីកចម្រើនតាមហ្នឹង។
ប្រភព៖ cncc-football
Bong I.T