លេចឮថា PSG ត្រៀមដោះលែង Mbappe ឲ្យ R.Madrid ហើយ តែត្រូវប្រគល់ម្នាក់នេះទៅពួកគេវិញ

អឺរ៉ុប៖ រឿងរ៉ាវរបស់ Kylian Mbappe ផ្លាស់ទៅចូលរួម Real Madrid ត្រូវបានគេលើកមកនិយាយយ៉ាងច្រើន កំលុងទីផ្សារដោះដូរកីឡាករថ្មីៗនេះ ថ្វីបើ ​Paris Saint-Germain មិនទាន់ព្រមទទួលយកសំណើណាមួយក៏ដោយ។

យោងតាមអ្នកកាសែតអ៊ីតាលី លោក Fabrizio Romano បានឲ្យដឹងថា លោកគ្រូបង្វឹក Mauricio Pochettino និងថ្នាក់ដឹកនាំនៅទឹកដី Parc de Princes នឹងយល់ព្រមអនុញ្ញាតឲ្យ Mbappe ទៅចូលរួម Real Madrid លុះត្រាតែព្រមថែម Vinicius Junior ឲ្យមកពួកគេម្នាក់វិញ។

ប្រាកដណាស់ Mbappe នឹងស្នាក់នៅ  PSG យ៉ាងហោចណាស់មួយរដូវកាលទៀត ដោយសារតែទីផ្សារដោះដូរកីឡាករបានផុតកំណត់ តាំងពីថ្ងៃទី៣១ ខែសីហា ហើយមានការរំពឹងទុកថាខ្សែប្រយុទ្ធវ័យ២២ឆ្នាំរូបនេះ នឹងចូលរួមជាមួយក្រុមលោក Carlo Ancelotti នៅរដូវក្ដៅក្រោយដោយពុំមានតម្លៃខ្លួន។

តែយ៉ាងណាមិញ ថ្មីៗនេះដែរ លោក Leonardo ប្រធានផ្នែកកីឡារបស់ PSG ក៏រំពឹងថា Mbappe នឹងស្នាក់នៅក្លិបដែលមូលដ្ឋាននៅរដ្ឋធានីបារាំងជាច្រើនឆ្នាំតទៅមុខទៀត។ លោកបានប្រាប់ Canal Plus ថា៖

ប្រភព៖ sportbible