អេស្ប៉ាញ៖ ខ្សែការពារ Gerard Pique បាននិយាយថារូបគេពិតជាឈឺចាប់ណាស់បន្ទាប់ពីឃើញថាអ្នកគាំទ្រ Barcelona ក្នុងកីឡដ្ឋានបានស្រែករិះគន់ដាក់ខ្សែបម្រើ Sergio Roberto ក្នុងការប្រកួតទល់នឹង Bayern Munich កាលពីយប់ថ្ងៃទី១៤ខែកញ្ញាយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Barcelona បានចាញ់ Bayern Munich ៣ ទល់នឹង ០ ដោយ Thomas Muller រកបាន១គ្រាប់ និង Robert Lewandowski រកបាន២គ្រាប់ ហើយនោះធ្វើឲ្យអ្នកគាំទ្រកាន់តែមិនសប្បាយចិត្តដោយពួកគេបានស្រែករិះគន់ទៅ Roberto ដែលលេងជាខ្សែការពារនានាទីទី៥៩ ពេលគេត្រូវប្ដូរចេញ។
ឃើញដូច្នេះ Pique បាននិយាយទាំងមិនអស់ចិត្តថា៖
វាពិតជាធ្វើឲ្យខ្ញុំឈឺចាប់ណាស់ ព្រោះខ្ញុំស្គាល់សមត្ថភាពគេច្បាស់។ គេជាកីឡាករដ៏ពូកែ ហើយគេក៏ស្រឡាញ់ក្លិបជាងនរណាៗទាំងអស់។ ខ្ញុំចង់ក្រើនរំលឹកអ្នកគាំទ្របន្តិចថាគេមិនមែនជាខ្សែការពារនោះទេ គេជាខ្សែបម្រើស្លាបកណ្ដាល។ គេបានលះបង់ច្រើនណាស់ដើម្បីលេងតំណែងនេះបាន ហើយគេធ្វើបានល្អច្រើនដងណាស់។ វាពិតជាឈឺចាប់ប៉ុន្តែអ្នកគាំទ្រអាចមានសេរីភាពបញ្ចេញមតិបាន តែបើសិនសួរពីគំនិតខ្ញុំគឺខ្ញុំឈឺចាប់ណាស់៕
ប្រភព៖ goal
Bong I.T