ភ្នំពេញ៖ ដូចដែលគ្រប់គ្នាបានដឹងមកហើយ ចំពោះ ពិធីករដ៏ឆ្នើមនៅក្នុងកម្មវិធី ពេញចិត្តឬអត់ លោក តាប៊ុយ មិនត្រឹមតែជាពិធីករនោះទេ លោកថែមទាំងជាផលិតករ និងជាអ្នកបង្កើតកម្មវិធីកម្សាន្តជាច្រើនបម្រើដល់ទស្សនិកជនជាហូរហែមកផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក នៅមុននេះបន្តិច លោកបានធ្វើឲ្យអ្នកគាំទ្រមានការភ្ញាក់ផ្អើលជាខ្លាំង បើយោងតាមគណនីហ្វេសប៊ុករបស់ពិធីករស្រស់សង្ហា មួយរូបនេះ បានបង្ហោះសាររៀបរាប់ពីការចាកចេញពី ស្ថានីយ៍ទូរទស្សន៍ MyTV ហើយបន្ទាប់ពីបានបំរើការងារនៅទីនេះអស់រយះពេលជិត១៣ឆ្នាំ។ ក្នុងនោះផងដែរលោកក៏បានបញ្ជាក់ថា ការចាកចេញនេះ មិនមានបញ្ហាអ្វីនឹងគ្មាទេគឺលោកគ្រាន់តែមានអារម្មណ៍ថាហត់នឿយនិងចង់អោយខ្លួនឯងមានសេរីភាពនិងគេងលក់ស្រួលបានដូចគេតែប៉ុណ្ណោះ។
ជាមួយគ្នានេះ ក្នុងសារបង្ហោះនៅលើបណ្តាញសង្គមនោះលោកក៏បានរៀបរាប់ដូច្នេះថា៖
នាថ្ងៃនេះខ្ញុំបានសំរេចចិត្តចាកចេញពីMyTVហើយបន្ទាប់ពីបានបំរើការងារនៅទីនេះអស់រយះពេលជិត13ឆ្នាំ សម្រាប់ការចាកចេញនេះគឺខ្ញុំនិងMyTVមិនមានបញ្ហាអ្វីនឹងគ្មាទេគឹគ្រាន់តែខ្ញុំមានអារម្មណ៍ថាហត់នឿយនិងចង់អោយខ្លួនឯងមានសេរីភាពនិងគេងលក់ស្រួលបានដូចគេ ខ្ញុំសូមនិយាយថានាពេលកន្ងងមកខ្ញុំតែងតែទទួលបាននៅការគាំទ្រយ៉ាងពេញទំហឹងពីខាងស្ថានីយ៍ និងការផ្តល់ឪកាសជាច្រើនតាំងតែពីថ្ងៃដំបូងដែលខ្ញុំឈានជើងចូលMyTV និងសូមអរគូណដល់MyTVដែលយល់ព្រមតាមការសំរេចចិត្តរបស់ខ្ញុំ (ខ្ញុំមិនចង់គិតម្នាក់ឯងច្រើនទៀតទេ ជាពិធីករផង ផលិតករផង កក់studioក៏ខ្លួនឯង រៀបចំតួក៏ខ្លួនឯង មើលការកាត់តក៏ខ្លួន ពិសេសត្រូវចំណាយពេលស្រាវជ្រាវរកគំនិតថ្មីៗទៀត ចង់និយាយថាហត់ខ្លាំងណាស់ទោះបីជាមានជំនួយការជួយសំរួលការងារក៏ដោយ) នាពេលនេះគឺចង់សំរាកខួរក្បាល ដើរលេង និងអោយកាដូខ្លួនឯងម្តងព្រោះ ដាក់សំពាធលើខ្លួនឯងជាយូរពេកហើយវាហាក់បីដូចជាក្រៀមក្រំដែលត្រូវដើរចេញពីកន្លែងដែលយើងធ្លាប់ហៅថាជាផ្ទះទី2តែសប្បាយចិត្តព្រោះមិនត្រូវគិតច្រើននិងអាចគេងលក់ស្រួលមិនមានstress
សូមទស្សនារូបភាពខាងក្រោម៖
Bong I.T