គ្រូពេទ្យ​យកសំណាក​ អ្នកពាក់ព័ន្ធជំងឺកូវីដបំប្លែងថ្មី​ដែលតា ​១០នាក់ ពេល​នេះដឹងលទ្ធផលហើយ

ភ្នំពេញ៖ ​មុននេះបន្តិច សាលាសង្កាត់ ស្ទឹងមានជ័យ បានជូនដំណឹងថា នៅម៉ោង ១១:៣០ នាទី ថ្ងៃទី០៨​ ខែកញ្ញា ឆ្នាំ២០២១ ក្រុមគ្រូពេទ្យចុះពិនិត្យយកសំណាកលើកទី៣ លើអ្នកពាក់ព័ន្ធនឹងអ្នកវិជ្ជមានកូវីដ១៩បំប្លែងថ្មីដែលតា(Delta)សរុបចំនួន ១០នាក់ ស្ថិតនៅចំណុចទីតាំងផ្ទះលេខ ៦៩៧ ផ្លូវលំ ក្រុម២ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ដោយលទ្ធផលទទួលបាន គឺអវិជ្ជមានទាំងអស់។

គួរឱ្យដឹងដែរថា ​អ្នក​​ធ្វើតេស្តខាងលើនេះ បានពាក់ព័ន្ធជាមួយអ្នកវិជ្ជមានឈ្មោះ ប៉ាត ភីរិត ភេទប្រុស អាយុ ២៤ ឆ្នាំ។ យ៉ាងណាមិញ ចំពោះទីតាំង​ត្រូវបានហ៊ុមព័ទ្ធឲ្យធ្វើចត្តាឡីស័ក បណ្តោះអាសន្នបន្ត៕