មកទល់ពេលនេះអាជ្ញាធរបានឃាត់ខ្លួន អប់រំ និងពិន័យ អ្នកដែលល្មើសបទបញ្ជារដ្ឋបាលសម័យកូវីដ ២១៨នាក់ហើយ

ភ្នំពេញ៖នាពេលថ្មីៗនេះ អាជ្ញាធរបានធ្វើឃាត់ខ្លួន បុគ្គលដែលល្មើសនឹងវិធានការសុខាភិបាល ចំពោះស្ថានភាពកូវីដ១៩កំពុងតែបន្តការរាតត្បាតនៅក្នុងប្រទេសកម្ពុជា នៅក្នុងពេលសព្វថ្ងៃ។

ដោយឡែក គិតត្រឹមថ្ងៃទី ០៤ ខែកញ្ញា ឆ្នាំ២០២១ អាជ្ញាធរបានធ្វើការអនុវត្តវិធានការច្បាប់មានចំនួន ៥៩ ករណី ដោយឃាត់ខ្លួនមនុស្សចំនួន ២១៨នាក់  (បញ្ជូនទៅតុលាការ០១នាក់)  ឃាត់យានយន្ត (រថយន្ត ៣គ្រឿង និងម៉ូតូ ៣៣គ្រឿង) ពិន័យជាប្រាក់ ចំនួន ២,៦០០,០០០រៀល។

អាស្រ័យហេតុនេះសូមបងប្អូនទាំងអស់គ្នា នាំគ្នាមេត្តាគោរពវិធានការសុខាភិបាល និងវិធានការរដ្ឋបាលទាំងអស់គ្នាកុំបីខាន៕

សូមចូលអានសេចក្តីលម្អិតខាងក្រោម៖