សម្តេចពិជ័យសេនា ទៀ បាញ់ ស្នើឱ្យវិស័យឯកជន រ៉ាប់រងថ្លៃវ៉ាក់សាំង ដោយខ្លួនឯង

រាជធានីភ្នំពេញ៖ សម្តេចសេនាពិជ័យ ទៀ បាញ់ បានស្នើសុំឱ្យបងប្អូនប្រជាពលរដ្ឋ និង វិស័យឯកជន ចូលរួមជាមួយរាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន តាមរយៈការរ៉ាប់រងថ្លៃវ៉ាក់សាំងខ្លួនឯង ដើម្បីការពារអាយុជីវិតខ្លួន ក្រុមគ្រួសារ ញាតិមិត្ត និងសហគមន៍ ពីជំងឺកូវីដ១៩។

ក្នុងនោះ យោងតាមទំព័រហ្វេសប៊ុកផ្លូវការរបស់សម្តេចពិជ័យសេនា ទៀ បាញ់ នៅថ្ងៃទី០១ ខែកញ្ញា ឆ្នាំ២០២១នេះ បានបង្ហោះថា៖

គិតត្រឹមថ្ងៃទី៣០ ខែសីហា ឆ្នាំ២០២១ ក្រសួងសុខាភិបាល បានឲ្យដឹងថា ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ-១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេស ចំនួន ១០,៨៧៥,៦១៦ នាក់។ នេះបើតាមរបាយការណ៍របស់ក្រសួងសុខាភិបាល៕