ចិន៖ ស៊ុតដ៏ធំមួយដែលអ្នកស្រាវជ្រាវបានរកឃើញ ត្រូវបានគេគិតពីដំបូងថាជារបស់ដាយណូស័រ ហើយត្រូវបានពិនិត្យមើលឡើងវិញ ទើបកំណត់បានថាវាជារបស់សត្វអណ្ដើកយក្សកម្ពស់១.៥ម៉ែត្រ និងថែមទាំងមានអំប្រ៊ីយ៉ុងផូស៊ីលនៅពីខាងក្នុងផងដែរ។ ស៊ុតទំហំស្ទើរប៉ុនកូនបាល់ Tennis រាងស្វ៊ែរ ត្រូវបានរកឃើញនៅក្នុងខេត្ត Henan ប្រទេសចិន ដែលវាជារបស់ក្រុមអណ្ដើក Nanhsiungchelyidae ហើយប្រហែលអាចជាប្រភេទ Yuchelys nanyangensis។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអណ្ដើកផុតពូជនេះធ្លាប់រស់នៅ ប្រហែល៩០លានឆ្នាំមុន។ អ្នកជំនាញជឿថា សម្បកក្រាស់របស់ស៊ុតក៏អនុញ្ញាតឲ្យទឹកឆ្លងកាត់ ដូច្នេះទោះជាវាកប់នៅក្រោមដីយ៉ាងជ្រៅក៏ដោយ ក៏មិនស្ងួតដែរ ដែលអនុញ្ញាតឲ្យអំប្រ៊ីយ៉ុងនៅតែស្ថិតស្ថេរ។ អ្នកស្រាវជ្រាវបានសរសេរថា ពងស៊្វែរក៏អាចកាត់បន្ថយការបាត់បង់ទឹក និងសម្បកពងក្រាស់របស់សត្វល្មូនខ្លះអាចជាការសម្របខ្លួនទៅនឹងអាកាសធាតុស្ងួត។
ស៊ុតស្វ៊ែរជាមួយកម្រាស់ប្រហែល០.៧ទៅ១មីលីម៉ែត្រនៃសត្វអណ្ដើកសម័យកាលនោះ ត្រូវបានគេគិតថាអាចសម្របខ្លួនទៅនឹងបរិស្ថានស្ងួត។ សត្វអណ្ដើកប្រភេទនេះត្រូវបានគេជឿថា វាមានកម្ពស់ខ្ពស់ជាងមនុស្សមួយចំនួនទៅទៀត៕
ប្រភព: Daily Mail