ធ្លាប់សួរ Google ថាតើទីកន្លែងមួយណាមានឈ្មោះវែងជាងគេបំផុត នៅលើពិភពលោកឬអត់? តែពេលបានចម្លើយ ប្រាកដជាហួសចិត្ត

បរទេស៖ បើសិនជាអ្នកចូលចិត្ត ចង់ចេះចង់ដឹងអំពីរឿងប្លែកៗ អ្នកអាចនឹងនឹករកឃើញពីសំណួរ ដែលកម្រមានអ្នកដទៃចាប់អារម្មណ៍នឹកឃើញ។ ប៉ុន្តែអ្នកធ្លាប់គិតទេថា តើទីកន្លែងណាមានឈ្មោះវែងជាងគេបំផុត នៅលើពិភពលោក?

បើអ្នកសួរសំណួរមួយនេះទៅកាន់ Google អ្នកប្រាកដជាទទួលបានចម្លើយ ដែលមិនស្មានថាវាអាចកើតមាននៅលើពិភពលោកយើងនេះ ពីព្រោះឈ្មោះនេះពិតជាពិបាកនឹងចងចាំណាស់ ហើយមានតួអក្សរច្រើនទៀត។​ ចម្លើយនោះគឺ Taumatawhakatangihangakoauauotamateaturipukakapikimaungahoronukupokaiwhenuakitanatahu ជាឈ្មោះទីកន្លែងដ៏វែងបំផុត។

មិនតែប៉ុណ្ណោះ វាក៏ជាប់កំណត់ត្រានៅលើពិភពលោក របស់ Guinness World Record ដែលជាកន្លែងមានតួអក្សរចំនួន៨៥ ប៉ុន្តែប្រជាជននៅក្នុងតំបន់នោះ ហៅវាត្រឹមតែ Taumata ឬ Taumata Hill ប៉ុណ្ណោះ។ គួរបញ្ជាក់ថាទីកន្លែងមួយនេះស្ថិតនៅក្នុងប្រទេសនូវែលហ្សេឡង់៕

ប្រភព: In Depth Tech Reviews