រដ្ឋបាលរាជធានីភ្នំពេញប្រកាសបិទខ្ទប់ តំបន់មួយ នៅក្នុងខណ្ឌសែនសុខ ក្រោយផ្ទុះការឆ្លងរីករាលដាលនៃកូវីដបម្លែងខ្លួន ប្រភេទ Delta

ភ្នំពេញ៖ នាពេលថ្មីៗនេះ រដ្ឋបាលរាជធានីភ្នំពេញប្រកាសបិទខ្ទប់តំបន់លំនៅឋានអ៊ូស៊ានណា ភូមិសំរោងទាវ និងភូមិព្រៃមូល សង្កាត់ក្រាំងធ្នង់ ដែលមានការឆ្លងរាលដាលនៃមេរោគបំប្លែងខ្លួនថ្មី ដែលតា (Delta)។

ដោយឡែក រដ្ឋបាលរាជធានីភ្នំពេញ បានចេញសេចក្ដីសម្រេច ស្ដីពីការបិទខ្ទប់តំបន់លំនៅឋានអ៊ូស៊ានណា ស្ថិតនៅភូមិសំរោងទាវ និងភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ដែលមានការឆ្លងរាលដាលនៃមេរោគបំប្លែងខ្លួនថ្មី ប្រភេទដែលតា (Delta) សម្រាប់រយៈពេល ១៤ថ្ងៃ គិតចាប់ពីថ្ងៃទី១៨ ខែសីហា ឆ្នាំ២០២១ រហូតដល់ថ្ងៃទី៣១ ខែសីហា ឆ្នាំ២០២១ ដើម្បីទប់ស្កាត់ និងកាត់ផ្ដាច់ការឆ្លងរាលដាលនៃមេរោគបំប្លែងខ្លួនថ្មី ប្រភេទដែលតា (Delta) នៅក្នុងសហគមន៍។

អាស្រ័យហេតុននេះ សូមបងប្អូនទាំងអស់គ្នា មេត្តាបង្កើនការប្រុងប្រយ័ត្នបន្ថែម ដោយការពារខ្លួនកុំភ្លេចខ្លួនអោយសោះ ត្រូវចេះផ្លាស់ប្តូរទំលាប់រស់នៅរបស់ខ្លួន ក្នុងស្ថានភាពជំងឺកំពុងរាតត្បាតបែបនេះ៕

សូមអានសេចក្តីលម្អិតខាងក្រោម៖