កម្សាន្ត៖ តារាចម្រៀងជើងចាស់ ដ៏ល្បីល្បាញប្រចាំប្រទេសកម្ពុជាទាំងពីររូបនេះ គឺជាតារាសំណព្វចិត្តរបស់មហាជនតែងតែគាំទ្រតាំងពីចូលសិល្បៈដំបូងមកម្ល៉េះ។ តារាទាំងពីររូបនេះគឺជាមិត្តរួមការងារដ៏ជិតស្និទ្ធ និងស្ថិតនៅក្នុងផលិតកម្មរស្មីហង្សមាសតែមួយរហូតមកដល់បច្ចុប្បន្ន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក ណុប បាយ៉ារិទ្ធ គឺជាតារាចម្រៀងប្រុសដែលមានឈ្មោះល្បីល្បាញ មហាជនស្រលាញ់ចូលចិត្ត មិនខុសអីពី អ្នកនាង សុគន្ធ និសា ដែលជាមិត្តរួមអាជីពដែលស្ថិតនៅក្រោមដំបូលផលិតកម្មតែមួយ និងធ្លាប់បានចាប់ដៃគូគ្នារួមការងារច្រើនដងរាប់មិនអស់។
តាំងពីចូលសិល្បៈមកដល់សព្វថ្ងៃ អ្នកទាំងពីរនៅតែមានទំនាក់ទំនងល្អនិងគ្នា ជាពិសេសមានភាពស្និទ្ធស្នាលដូចជាបងប្អូនអញ្ចឹងដែរ។ កាលពីថ្ងៃទី១៦ សីហា ម្សិលមិញនេះ អ្នកនាង សុគន្ធ និសា បានបង្ហោះសារជូនពរថ្ងៃកំណើតរបស់លោក ណុប បាយ៉ារិទ្ធ ក្នុងការឈានចូលវ័យ ៤០ឆ្នាំ ព្រមជាមួយនឹងរូបថតពីរយ៉ាងជិតស្និទ្ធនៅក្នុងបណ្ដាញសង្គម។
អ្នកនាង សុគន្ធ និសា បានបង្ហាញរូបថតជាមួយមិត្តរួមអាជីពរបស់ខ្លួនក្នុងអង្រឹងតែមួយពីរនាក់ មានម្នាក់អោបពីក្រោយអ្នកនាង មើលទៅដូចជាគូស្នេហ៍យ៉ាងផ្អែមល្ហែម។ ចំណែកឯ សម្រស់អ្នកទាំងពីរវិញ ស្រស់ស្អាតដូចយុវវ័យ មិនចាស់ទៅណាសោះឡើយ៕