អឺរ៉ុប៖ ក្លិប Real Madrid ត្រូវគេរាយការណ៍ថា បានចាប់អារម្មណ៍ក្នុងការចុះហត្ថលេខាយកកីឡាករ Kalidou Koulibaly ពីក្លិប Napoli បន្ទាប់ពីបាត់បង់ទាំង Sergio Ramos និង Raphael Varane នៅរដូវក្ដៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះលោកគ្រូបង្វឹក Carlo Ancelotti ចង់បានកីឡាករសញ្ជាតិសេណេហ្គាល់រូបនេះ មកពង្រឹងតំបន់ការពារ។
យោងតាមគេហទំព័រ Calciomercato បានឲ្យដឹងថា Koulibaly ទទួលបានការចាប់អារម្មណ៍ពីក្លិបជាច្រើននៅអឺរ៉ុប ក្នុងរយៈពេលប៉ុន្មានឆ្នាំចុងក្រោយនេះ ប៉ុន្ដែ Napoli មិនចង់ចែកផ្លូវជាមួយរូបគេឡើយ។ តែទោះជាយ៉ាងណា ដោយស្ថានភាពហិរញ្ញវត្ថុរបស់ក្លិបនាពេលបច្ចុប្បន្ន នោះពួកគេនឹងទទួលយកការដេញថ្លៃចំនួន ៥១លានផោន (ជិត ៧១លានដុលារអាមេរិក)។
គួរបញ្ជាក់ថា លោក Ancelotti ពេញចិត្ដខ្លាំងលើខ្សែការពារកណ្ដាលរូបនេះ ដោយសារគាត់ធ្លាប់ធ្វើការជាមួយគ្នា កាលនៅដឹកនាំក្លិប Napoli ហើយពេលនេះ អ្នកចាត់ការជនជាតិអ៊ីតាលីចង់ជួបជុំគ្នាម្ដងទៀតនៅ Real Madrid ៕
ប្រភព៖ sportskeeda