អូឡាំពិក៖ ពិតណាស់ កីឡាអូឡាំពិកត្រូវបានគេចាត់ទុកជា ព្រឹត្ដិការណ៍កីឡាដ៏ធំមួយនៅលើពិភពលោក ដែលជាធម្មតាបានរៀបចំឡើងរៀងរាល់៤ឆ្នាំម្ដង ហើយព្រឹត្ដិការណ៍លំដាប់ពិភពលោកមួយនេះ បានដាក់បញ្ចូលនូវវិញ្ញាសារកីឡាជាច្រើនប្រភេទ រួមមានកីឡាបាល់ទាត់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាបាត់ទាត់ផ្នែកបុរស ត្រូវបានដាក់បញ្ចូលក្នុងកីឡាអូឡាំពិកជាលើកដំបូង ក្នុងឆ្នាំ១៩០០ ហើយតែងតែមានវត្ដមានរៀងរាល់ព្រឹតិ្ដការណ៍ លើកលែងតែឆ្នាំ ១៩៣២ដែលកាលនោះធ្វើនៅសហរដ្ឋអាមេរិក ខណៈកីឡាបាល់ទាត់ផ្នែកនារី ត្រូវបានដាក់បញ្ចូលចាប់ពីឆ្នាំ ១៩៩៦ ។
បើតាមការដកស្រង់ពីគេហទំព័រ Goal បានដឹងថា ចំពោះវិញ្ញាសារកីឡាករបាល់ទាត់ផ្នែកបុរស មានប្រទេសចំនួន២ ដែលមានប្រវត្ដិឈ្នះមេដាយមានច្រើនជាងគេ ពោលចំនួន៣គ្រឿងដូចគ្នា រួមមានប្រទេសហុងគ្រីឈ្នះក្នុងឆ្នាំ ១៩៥២,១៩៦៤ និង១៩៦៨ រីឯចក្រភពអង់គ្លេសឈ្នះក្នុងឆ្នាំ ១៩០០,១៩០៨ និង ១៩១២។
ខណៈប្រទេសដែលធ្លាប់ឈ្នះមេដាយមានចំនួន២គ្រឿង រួមមានប្រទេសអាហ្សង់ទីន សហភាពសូវៀត និង អុយរ៉ាហ្គាយ ហើយប្រទេសប្រេស៊ីលធ្លាប់ឈ្នះបាន១គ្រឿង ក្នុងឆ្នាំ២០១៦។
ដោយឡែកចំពោះបាល់ទាត់ផ្នែកនារី មានតែសហរដ្ឋអាមេរិកប៉ុណ្ណោះដែលជាក្រុមជោគជ័យបំផុត ពោលធ្លាប់ឈ្នះមេដាយមាសចំនួន៤គ្រឿង នៅក្នុងឆ្នាំ ១៩៩៦, ២០០៤, ២០០៨ និង២០១២ ៕
ប្រភព៖ goal