បរទេស៖ សម្រាប់បាល់ទាត់សម័យទំនើប គ្រូបង្វឹកទាំងអស់តែងតែចង់បានកីឡាករណាដែលមានភាពប៉ិនប្រសព្វក្នុងការលេងមុខតំណែងច្រើន ព្រោះថាបើក្រុមនីមួយៗមានកីឡាករប្រភេទនេះកាន់តែច្រើន នោះពួកគេនឹងងាយស្រួលបត់បែនគ្រប់ស្ថានការណ៍នៅលើទីលានបានឆាប់រហ័ស។

ទោះបីជាយ៉ាងណាក៏ដោយនារយៈពេលប៉ុន្មានឆ្នាំមកកន្លងមកនេះ យើងឃើញថាមានកីឡាករ ៤ ទៅ ៥ នាក់ដែរ ដែលបានផ្លាស់ប្តូរតំណែងចាស់របស់ពួកគេ មកលេងតួនាទីថ្មី, ក្នុងនោះដែរ ពួកគេក៏បានទទួលជោគជ័យ និង កាន់តែលេចធ្លោខ្លាំង ក្រោយចាប់ផ្តើមលេងនៅតំណែងមួយផ្សេងទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងអត្ថបទនេះ ពួកយើងនឹងនាំប្រិយមិត្តឱ្យបានស្គាល់កីឡាករឆ្នើម ៥ រូបដែលមានភាពលេចធ្លោរខ្លាំង ក្រោយផ្លាស់ប្តូរតំណែងដើមរបស់ពួកគេ៖

៥. Vincent Kompany៖ កីឡាកររូបនេះត្រូវបានគេចាត់ទុកថាជាខ្សែការពារកណ្តាលឆ្នើមបំផុតនៅក្របខណ្ឌ Premier League ប៉ុន្តែដើមឡើយកីឡាកររូបនេះ គឺលេងនៅតួនាទីខ្សែបម្រើកណ្តាលនោះទេ។

៤. Bastian Schweinsteiger៖ អតីតកីឡាកររូបនេះ កាលពេលមកចូលរួមជាមួយក្រុម Bayern Munich ដំបូង គាត់លេងនៅតំណែងខ្សែបម្រើស្លាបនោះទេ, ទើបក្រោយមកគាត់ត្រូវបានផ្លាស់មកលេងជាខ្សែបម្រើកណ្តាលវិញ។

៣. Thierry Henry៖ អតីតវីរៈបុរសរបស់ក្រុម Arsenal និង Barcelona រូបនេះ គ្រប់គ្នាបានស្គាល់លោកថាជាខ្សែប្រយុទ្ធដែលឆ្នើមម្នាក់នៅលើពិភពលោក, ប៉ុន្តែសម្រាប់អាជីពដំបូងរបស់លោក គឺលោកលេងនៅតំណែងស្លាប តួយ៉ាងកាលលោកលេងនៅក្រុម AS Monaco, លោកលេងជាខ្សែបម្រើស្លាបឆ្វេង, ចំណែកកាលនៅ Juventus វិញលោកលេងនៅតំណែងស្លាបដូចគ្នា ប៉ុន្តែជាខ្សែការពារស្លាប។

២. Gareth Bale៖ កីឡាកររូបនេះបានចាប់ផ្តើមអាជីពដំបូង ជាយុវជនរបស់ក្រុម Southampton ដែលកាលនោះគេលេងជាខ្សែការពារស្លាបឆ្វេង, លុះក្រោយមកគេបានផ្លាស់មកចូលរួមជាមួយ Spurs ដោយលេងនៅតំណែងខ្សែការពារស្លាបឆ្វេងដដែល, ប៉ុន្តែពេលផ្ទេរមកកាន់ក្លិប Real Madrid គេបានលេចធ្លោរខ្លាំង ក្រោយរូបគេប្តូរមកលេងជាខ្សែប្រយុទ្ធស្លាបឆ្វេងវិញ។

១. Sergio Ramos៖ ដើមឡើយកីឡាកររូបនេះលេងនៅតំណែងខ្សែការពារស្លាបស្តាំជាមួយក្រុម Sevilla, ប៉ុន្តែបុរសសញ្ជាតិ អេស្ប៉ាញ រូបនេះបានទទួលនូវភាពជោគជ័យ និង ល្បីល្បាញកាន់តែខ្លាំងឡើង ក្រោយរូបគេប្តូរមកលេងជាខ្សែការពារកណ្តាលនៅ Real Madrid, ខណៈពេលនេះ Ramos បានផ្លាស់ទៅចូលរួមជាមួយ PSG ហើយ ក្រោយរួមរស់ជាមួយក្រុម អធិរាជស បាន ១៦ រដូវកាល៕

ប្រភព៖: Sportskeeda

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]