អង់គ្លេស៖ យោងតាមសេចក្ដីរាយការណ៍ពី Le10Sport គឺ ភ្នាក់ងាររបស់ខ្សែបម្រើ Paul Pogba គឺលោក Mino Raiola បានស្នើទៅក្លិប Liverpool ឲ្យទិញយកកីឡាករសញ្ជាតិបារាំងរូបនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សLiverpool កំពុងស្វែងរកខ្សែបម្រើថ្មីមកជំនួសកន្លែង Georginio Wijnaldum ដែលផ្ទេរទៅលេងនៅ Paris Saint-Germain ទើប Pogba គួរតែជាជម្រើសដ៏ល្អមួយបើមិនរាប់ថាគេជាកីឡាកររបស់ Manchester United ដែលជាក្លិបគូប្រជែងស៊ីសាច់ហុតឈាមរបស់ Liverpool តាំងពីយូរណាស់មកហើយ។
យ៉ាងណាមិញទោះទទួលបានសំណើឲ្យទិញយក Pogba ក្ដីក៏ Liverpool នៅមិនទាន់ដាក់សំណើផ្លូវការណាមួយឡើយ គឺគ្រាន់តែសម្លឹងចាំមើលគេប៉ុណ្ណោះស្របពេលកុងត្រារបស់កីឡាករវ័យ២៨ឆ្នាំរូបនេះនៅទឹកដី Old Trafford នឹងអស់សុពុលភាពនៅឆ្នាំក្រោយនេះហើយ។
ខណៈនេះដែរ ក្លិប Paris Saint-Germain ត្រូវបានគេដឹងថាជាក្លិបដែល Pogba មានភាគរយខ្ពស់អាចផ្ទេរទៅលេង៕
ប្រភព៖ caughtoffside