អុញ! សង្សារចាស់របស់កូនកំលោះ រត់ទៅសុំកូនកំលោះការដែរ ខណៈពិធីមង្គលកំពុងដំណើរការ

ឥណ្ឌូណេស៊ី៖ ថ្មីៗនេះ បុរសម្នាក់មកពីប្រទេសឥណ្ឌូណេស៊ី បានរៀបការជាមួយស្រីចំនួនពីរនាក់ក្នុងពេលតែមួយ ដែលម្នាក់ជាអតីតមិត្តស្រី និងម្នាក់ទៀតជាគូដណ្ដឹង។

យោងតាមប្រភពព័ត៌មានបានឲ្យដឹងថា នាង Yuanita Yuri អាយុ២១ឆ្នាំ ជាអតីតមិត្តស្រីរបស់កូនកំលោះ ហើយមុនថ្ងៃរៀបការឈានចូលមកដល់ នាងបានឃើញមានការជូនពរយ៉ាងច្រើនពីសាច់ញាតិនៅលើបណ្ដាញសង្គមរបស់កូនក្រមុំ និងកូនកំលោះ ដូច្នេះនាងក៏បានដឹងពីថ្ងៃខែនៃពិធីមង្គលការ។ លុះមកដល់រៀបការ នាងបានចូលរួម ដោយមិនមានការអញ្ជើញពីនរណាម្នាក់ឡើយ និងស្នើសុំកូនកំលោះរៀបការជាមួយដែរតែម្ដង។

ទន្ទឹមនឹងនេះដែរ កូនកំលោះមានការតក់ស្លុតយ៉ាងខ្លាំង និងសារភាពថា ពិតជាធ្លាប់បានទាក់ទងជាមួយគ្នាមែន តាំងពីឆ្នាំ២០១៦មកម៉្លេះ។ ហើយបន្ទាប់ពីពិភាក្សាគ្នាជាមួយក្រុមគ្រួសាររួចមក លោកក៏សម្រេចចិត្តរៀបការជាមួយទាំងពីរនាក់។

យ៉ាងណាមិញ ចំពោះថ្លៃបណ្ដាការសម្រាប់កូនក្រមុំទាំងពីរគឺស្មើគ្នា ដែលក្នុងម្នាក់ចំនួន១.៧៦លានរូពីប៉ុណ្ណោះ (ប្រមាណ១២១ដុល្លារអាមេរិក)។ ហើយឥឡូវនេះ កូនកំលោះក៏ព្រួយបារម្ភណាស់ដែរ ព្រោះបច្ចុប្បន្នលោកគ្មានការងារជាទីពឹងឡើយ៕

ប្រភព: Worldoffbuzz