អង់គ្លេស៖ អតីតកីឡាករជម្រើសជាតិអង់គ្លេស លោក Glen Johnson ជឿជាក់ថា Chelsea នឹងដាក់លក់កីឡាករ Tammy Abraham និង Callum Hudson-Odoi នៅក្នុងទីផ្សារដោះដូរកីឡាកររដូវក្តៅនេះ ប្រសិនបើក្លិបទទួលបានសំណើសមសម្របមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Abraham តែងតែមានពាក្យចចាមអារ៉ាមក្នុងការចាកចេញពីកីឡដ្ឋាន Stamford Bridge ដើម្បីផ្ទេរទៅកាន់ Arsenal ខណៈ Odoi ពុំសូវទទួលបានឱកាសបង្ហាញខ្លួននៅលើទីលានឡើយក្រោមការដឹកនាំរបស់លោក Thomas Tuchel ក៏បានធ្វើឲ្យរូបគេមានពាក្យចចាមអារ៉ាមក្នុងការផ្ទេរទៅលេងនៅក្របខណ្ឌ Bundesliga។
លោក Johnson បាននិយាយថា៖
ខ្ញុំគិតថាប្រសិនបើ Chelsea ទទួលបានសំណើសមរម្យមួយពីក្លិបដែលចង់បាន Abraham និង Odoi គឺ ច្បាស់ណាស់ពួកគេនឹងលក់ហើយ។ ខ្ញុំមិនគិតថាលោក Thomas Tuchel គិតថា គាត់អាចរំពឹងលើ Odoi បានឡើយ។ អ្នកត្រូវតែលេងឲ្យបានល្អគ្រប់សប្តាហ៍ ហើយ ខ្ញុំគិតថាគាត់មិនមានផ្នត់គំនិតដែលអ្នកត្រូវធ្វើក្រោមការដឹកនាំរបស់លោក Tuchel ឡើយ៕
ប្រភព៖ metro
Bong I.T