Mbappe បង្ហើបឈ្មោះក្លិបដែលគេចង់ឈ្នះពាន Champions League ជាមួយ

អឺរ៉ុប៖ ពិតណាស់ Kylian Mbappe មានពាក្យចចាអារ៉ាមជាច្រើនថារូបគេអាច​​នឹងផ្លាស់ទៅលេងនៅក្លិបស្ដេចស Real Madrid ប៉ុន្ដែនៅក្នុងកិច្ចសម្ភាសមួយខ្សែប្រយុទ្ធវ័យក្មេងរូបនេះ បានបង្ហើបថាគេចង់ឈ្នះពាន Champions League ជាមួយក្លិបអ្នកមានបារាំង Paris Saint-Germain នាពេលអនាគត។

Mbappe នៅសល់កិច្ចសន្យាជាមួយ PSG តែ១ឆ្នាំទៀតប៉ុណ្ណោះ និងពុំទាន់មានការបន្ដកិច្ចសន្យាថ្មីណាមួយនៅឡើយទេ ស្របពេលលេចឮថា Real Madrid ចង់បានរូបគេ។ តែទោះជាយ៉ាងណា Mbappe ត្រូវបានគេគិតថាទំនងជាស្នាក់នៅ PSG យ៉ាងហោចណាស់ ១ឆ្នាំទៀត។

Mbappe ធ្លាប់បាននិយាយនៅក្នុងកិច្ចសម្ភាសមួយ កាលពីខែឧសភាកន្លងទៅថា៖

កីឡាករវ័យ ២២ឆ្នាំរូបនេះ ត្រូវបានមនុស្សជាច្រើនទុកថា រូបគេនឹងក្លាយជាកីឡាកល្អបំផុតនៅក្នុងពិភពលោក បន្ទាប់ពី Ronaldo និង Messi ចូលនិវត្ដន៍។

ជាក់ស្ដែង Mbappe បានបង្ហាញទម្រង់លេងយ៉ាងល្អក្នុងរយៈពេល២ ទៅ ៣ឆ្នាំចុងក្រោយនេះ ដោយអាចស៊ុតបញ្ចូលទីបាន ១៣២គ្រាប់ ក្នុងការបង្ហាញខ្លួន ១៧១ប្រកួតសម្រាប់ក្លិប PSG និងរកបាន ១៧គ្រាប់សម្រាប់ក្រុមជម្រើសជាតិបារាំង៕

ប្រភព៖ 90min