អីយ៉ាស់! At. Madrid ចង់ចែចូវយកតារាជួរមុខរបស់ Arsenal រូបនេះ ក្រោយឮថាក្លិបលក់គេតម្លៃធូរថ្លៃ

អេស្ប៉ាញ៖ ក្រុមការពារតំណែងជើងឯក La Liga គឺ Atletico Madrid ចាប់អារម្មណ៍ចង់ទិញយកខ្សែប្រយុទ្ធ Alexander Lacazette ពីក្លិបកាំភ្លើងធំ Arsenal។

លោកគ្រូបង្វឹក Diego Simeone ចង់បានកីឡាករខ្សែប្រយុទ្ធមកបន្ថែមទៀតឲ្យបានមុនបើករដូវកាលថ្មីប៉ុន្តែក្លិបពុំអាចទិញខ្សែប្រយុទ្ធតម្លៃខ្លួនថ្លៃៗនោះឡើយ ដោយសារកញ្ចប់ហិរញ្ញវត្ថុមានកំណត់។

ដូច្នេះហើយទើបលោកគ្រូចង់យកកីឡាករខ្លួនទៅប្ដូរយក Lacazetta ឬ សុំខ្ចីជើងគេតែម្ដងស្របពេលកីឡាករសញ្ជាតិបារាំងរូបនេះនៅសល់កុងត្រានៅទឹកដី Emirates រហូតដល់ចប់រដូវកាលក្រោយឯណោះ។

ខណៈនោះដែរ Arsenal កំពុងចាប់អារម្មណ៍ទិញយកខ្សែប្រយុទ្ធ Tammy Abraham ពី Chelsea ដូច្នេះក្លិបនឹងលក់ Alexander Lacazette ក្នុងតម្លៃត្រឹមតែ១៧លានអឺរ៉ូ (ស្មើនឹងប្រមាណ២០លានដុល្លារអាមេរិក)ប៉ុណ្ណោះ៕

ប្រភព៖ football-espana