បរទេស៖ ក្លិប Paris Saint-Germain បានបើកចំហរក្នុងការដាក់លក់កីឡាករជម្រើសដំបូងរបស់ខ្លួនមួយចំនួនចេញ ខណៈពួកគេនឹងប្រមូលយកថវិការទាំងអស់នោះ ដើម្បីនាំចូលកីឡាករថ្មី ២ រូបទៀត ក្នុងនោះមានខ្សែបម្រើ Paul Pogba របស់ Manchester United និង Theo Hernandez របស់ក្រុម AC Milan។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ក្លិប Man UTD កំពុងរង់ចាំការដាក់សំណើរបស់ PSG ដើម្បីពិភាក្សាលើការផ្ទេរយក Pogba, មុនពេលដែលកុងត្រារបស់ខ្សែបម្រើសញ្ជាតិ បារាំង ត្រូវផុតកំណត់ ដែលជាហេតុអាចធ្វើឱ្យក្រុមបិសាចក្រហមអាចបាត់បង់រូបគេដោយមិនមានតម្លៃខ្លួន, ជាមួយគ្នានេះ ក្រុមជើងឯករងនៃក្របខណ្ឌ Ligue 1 បានត្រៀមទឹកប្រាក់ប្រមាណជា ៤០ លានអឺរ៉ូ ឬស្មើរនឹង (៤៧ លានដុល្លាអាមេរិក) ដើម្បីដេញថ្លៃយក Hernandez ប៉ុន្តែត្រូវបានក្លិប AC Milan បដិសេធទៅវិញ។
ទោះបីជាយ៉ាងណាក៏ដោយ បើយោងតាមការចុះផ្សាយរបស់ការសែត Canal Supporters បានឱ្យដឹងថា ក្រៅអំពីការយកលុយទៅទិញ Pogba និង Hernandez ក្នុងនោះ PSG ក៏ត្រូវការថវិការពីការលក់កីឡាករទាំងអស់នោះដើម្បីទុកផ្គត់ផ្គង់ថ្លៃឈ្នួលកីឡាកររបស់ពួកគេជាច្រើនទៀតផងដែរ សម្រាប់កីឡាករទាំងអស់នោះមានដូចជា Keylor Navas, Presnel Kimpembe, Marquinhos, Marco Varratti, Neymar និង Kylian Mbappe។
ហើយសម្រាប់កីឡាករដែលក្លិប PSG ត្រូវលក់ចេញវិញ ក្នុងនោះមានដូចជាកីឡាករ Thilo Kehrer, Juan Bernat, Layvin Kurzawa, Leandro Paredes, Idrissa Gueye, Ander Herrera, Angel Di Maria, Julian Draxler, Pablo Sarabia និង Mauro Icardi ជាដើម៕
ប្រភព៖ 90min