អង់គ្លេស៖ អ្នកចាត់ការទូទៅក្លិប Derby County លោក Wayne Rooney បានធ្វើឲ្យសមាជិកនៅក្នុងក្រុម កីឡាករ Jason Knight អវត្តមានទីលានយ៉ាងតិចពីរខែបន្ទាប់ពីលោកបានឈូសជើងកូនក្រុមម្នាក់នេះអំឡុងពេលហ្វឹកហាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បើយោងទៅតាមរបាយការណ៍បានលើកឡើងថា នៅក្នុងការហ្វឹកហាត់មួយ Rooney និង Jason បានប៉ះទង្គិចគ្នាតាមរយៈការប្រជែងយកបាល់ ៥០-៥០ ប៉ុន្តែ គួរឲ្យសោកស្តាយ Knight បានរងរបួសធ្ងន់ត្រង់ផ្នែកកជើងដែលធ្វើឲ្យគេខកខានការប្រកួតលើសពី១២សប្តាហ៍។
Rooney បាននិយាយថា៖
Jason នឹងអវត្តមានជួយក្រុមពី ៨ ទៅ ១២សប្តាហ៍។ គាត់មានបញ្ហាកជើង ប៉ុន្តែ គាត់មិនចាំបាច់ឈានដល់ការវះកាត់នោះទេ គឺ គាត់គ្រាន់តែត្រូវការពេលវេលាដើម្បីឲ្យកជើងរបស់គាត់រឹងមាំឡើងវិញ។ វាជាការបាត់បង់ដ៏ធំមួយព្រោះអ្នករាល់គ្នាដឹងហើយថា Jason អាចជួយក្រុមបានច្រើនកម្រិតណា ប៉ុន្តែ ពួកយើងត្រូវតែប្រឈមមុខ៕
ប្រភព៖ metro
Bong I.T