ឥណ្ឌា៖ ការជួបជុំគ្រួសារដ៏រំជួលចិត្ត នឹងកើតឡើងឆាប់ៗខាងមុខនេះ បន្ទាប់ពីបុរសម្នាក់ ត្រូវបានគេគិតថា ស្លាប់ដោយសារការធ្លាក់យន្ដហោះកាលពី៤៥ឆ្នាំមុន តែបែរជានៅមានជីវិត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា លោក Sajid Thungal បច្ចុប្បន្នអាយុ៧០ឆ្នាំ មកពីទីក្រុង Kottayam នៃប្រទេសឥណ្ឌា បានចាកចេញពីផ្ទះក្នុងឆ្នាំ១៩៧៤ ដើម្បីទៅធ្វើការជាអ្នករៀបចំព្រឹត្តិការណ៍សម្រាប់ក្រុមអ្នកចម្រៀងនិងក្រុមរាំឥណ្ឌា នៅឯប្រទេសអេមីរ៉ាតអារ៉ាប់រួម។ លុះមកដល់ខែតុលា ឆ្នាំ១៩៧៦ មានការរាយការណ៍ថា ក្រុមការងារទាំងអស់៩៥នាក់ រួមទាំងអ្នកដំណើរផ្សេងទៀត បានស្លាប់បាត់បង់ជីវិតក្នុងហេតុការណ៍ធ្លាក់យន្ដហោះ បន្ទាប់ពីម៉ាស៊ីនមួយផ្នែកបានឆាបឆេះ។
យ៉ាងណាមិញ គាត់អាចរួចផុតជីវិតពីគ្រោះថ្នាក់ តែគាត់មិនហ៊ានទាក់ទងទៅកាន់គ្រួសារឡើយ ដោយសារតែមានអារម្មណ៍ថាខ្លួនមានកំហុស។ ក្នុងឆ្នាំ១៩៨២ គាត់បានផ្លាស់ទៅរស់នៅក្នុងទីក្រុង Mumbai នៃប្រទេសឥណ្ឌាវិញ រហូតមកទល់បច្ចុប្បន្ននេះ។
នៅក្នុងបទសម្ភាស៍ជាមួយខាងកាសែតព័ត៌មាន National News គាត់បាននិយាយរៀបរាប់ថា៖
ប្រភពព័ត៌មានបានបន្ដទៀតថា កាលពីពីរឆ្នាំមុននេះ មិត្តភក្ដិរបស់គាត់ម្នាក់បានជួបគាត់ ក្នុងសភាពដើរសឹងតែរួច និងមានជំងឺផងដែរ ដូច្នេះមិត្តភក្ដិនោះ ក៏បានយកទៅកាន់កន្លែងរស់នៅមួយ។ ហើយគាត់ទើបតែដាច់ចិត្តនិយាយរឿងគ្រួសារទៅកាន់មិត្តភក្ដិឲ្យដឹងកាលពីសប្ដាហ៍មុននេះ ដែលធ្វើឲ្យមិត្តភក្ដិរូបនោះ ជួយស្វែងរកក្រុមគ្រួសារឲ្យតែម្ដង។
យ៉ាងណាមិញ ក្រោយពីបានដឹងដំណឹងថាគាត់មិនទាន់ស្លាប់ ក្រុមគ្រួសារបស់គាត់មានការភ្ញាក់ផ្អើល និងសប្បាយចិត្តជាខ្លាំង តែជាអកុសលឪពុកម្ដាយរបស់គាត់បានស្លាប់យូរឆ្នាំហើយ។ ហើយនៅថ្ងៃពុធនេះ ប្អូនប្រុសរបស់គាត់នឹងទៅទទួលគាត់ឲ្យត្រលប់មកផ្ទះវិញផងដែរ៕
សូមទស្សនារូបភាពខាងក្រោម៖
ប្រភព: ladbible