អង់គ្លេស៖ ខ្សែបម្រើប្រយុទ្ធ Xherdan Shaqiri បានប្រាប់ទៅកាន់ថ្នាក់លើរបស់ Liverpool ឲ្យដាក់លក់រូបគេចេញសម្រាប់ទីផ្សារដោះដូរកីឡាករនារដូវក្តៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កីឡាករសញ្ជាតិស្វីសខាងលើ ពិតជាចង់ដើរចេញពីកីឡដ្ឋាន Anfield គឺ ដោយសាររូបគេទទួលបានឱកាសបង្ហាញខ្លួននៅលើទីលានតិចមែនទែនក្រោមការដឹកនាំរបស់លោក Jurgen Klopp ខណៈ កាលពីរដូវកាលមុនគេបង្ហាញខ្លួនជាជម្រើសដំបូងបានតែប្រាំមួយប្រកួតប៉ុណ្ណោះ។ ម្យ៉ាងវិញទៀត ក្លិបដែលមានលទ្ធភាពខ្ពស់ក្នុងការប្រជែងយក Shaqiri មានដូចជា៖ Sevilla, Villarreal, Napoli និង Lazio ហើយ ក្លិបទាំងបួនក៏បានទាក់ទងទៅកាន់អ្នកតំណាំងរបស់កីឡាករកម្ពស់ទាបល្បឿនលឿននេះរួចរាល់ដែរ។
Shaqiri បាននិយាយថា៖
ខ្ញុំបានប្រាប់ទៅកាន់ថ្នាក់លើរបស់ Liverpool ថា ខ្ញុំបានត្រៀមខ្លួនរួចរាល់ហើយសម្រាប់ការប្រកួតប្រជែងថ្មី។ ពួកគេបានយល់ព្រមតាមសំណើរបស់ខ្ញុំ និង ពិចារណាក្នុងការដាក់លក់ខ្ញុំ។ Liverpool មិនអាចបឈ្ឈប់ខ្ញុំមិនឲ្យចាកចេញបានទេ។ រឿងដែលសំខាន់បំផុត គឺ ខ្ញុំចង់បង្ហាញខ្លួនឲ្យបានញឹកញ៉ាប់ ប៉ុន្តែ បីរដូវកាលចុងក្រោយវាមិនអាចកើតឡើងបានឡើយ៕
ប្រភព៖ liverpoolecho
Bong I.T