អីយ៉ាស់! Liverpool ចង់បានតារាឆ្នើមម្នាក់ពី ​At. Madrid មកជំនួសកន្លែង Wijnaldum

អឺរ៉ុប៖ Saul Niguez  ជាកីឡាករម្នាក់ក្នុងចំណោមកីឡាករ ដែលមានក្លិបផ្សេងៗចង់បានច្រើននារដូវក្ដៅនេះ ហើយក្លិប Liverpool ក៏បានចាប់អារម្មណ៍នាំយកខ្សែបម្រើរូបនេះទៅជំនួសកន្លែង ​Georginio Wijnaldum ដែលទើបចាកចេញទៅ PSG ផងដែរ។

ជាការពិតណាស់ ក្លិប Liverpool បានដាក់គោលដៅនាំយកខ្សែបម្រើមួយចំនួន ក្រោយការចាកចេញរបស់កីឡាករហូឡង់ Wijnaldum ដែលបានធ្វើឲ្យតំបន់បម្រើមានចន្លោះប្រហោង ហើយ Saul ជាកីឡាករម្នាក់ ក្នុងចំណោមកីឡាករឆ្នើមៗមួយចំនួនទៀតដូចជា Tielemans, Aouar និង Franck Kessie ។

គួរបញ្ជាក់ថា Saul មិនមែនមានតែ Liverpool តែមួយគត់ដែលចង់បាននោះទេ ប៉ុន្ដែ Man United និង Barcelona ក៏ចាប់អារម្មណ៍ខ្លាំងផងដែរ។ ហើយសារព័ត៌មាន ​Daily Mail បានរាយការណ៍ដែរថា កីឡាកររបស់ក្លិប ​Atletico Madrid រូបនេះទំនងជាត្រួវចិត្ដ Liverpool ជាពិសេសដោយសារសមត្ថភាពរបស់គាត់ អាចលេងបានច្រើនតំណែង ក្នុងតំបន់បម្រើ៕

ប្រភព៖ besoccer