ក្រោយទិញ Sancho ក្នុងតម្លៃជាង៧០លាន ពេលនេះ Man UTD គ្រោងលក់ Martial ចេញវិញ ក្នុងតម្លៃ...

អង់គ្លេស៖ ក្រុមបិសាចក្រហម Manchester United បានបើកលក់ Anthony Martial បន្ទាប់ពីទើបចុះហត្ថលេខយក ​ Jadon Sancho ពីក្រុម Borussia Dortmund បានជោគជ័យ ក្នុងតម្លៃ ៧២.៩លានផោន (ឬប្រមាណ ១០០លានដុល្លារអាមេរិក)។

យោងតាមសារព័ត៌មាន Daily Star បានរាយការណ៍ថា Man United ចង់លក់ Martial ឲ្យបានឆាប់បំផុត ដើម្បីរក្សាតុល្យភាពហិរញ្ញវត្ថុរបស់ពួកគេ។ របាយការណ៍បានអះអាងថា ក្រុម Tottenham Hotspur ចាប់អារម្មណ៍លើកីឡាករសញ្ជាតិបារាំងរូបនេះ ហើយក្លិបបិសាចក្រហមបានកំណត់តម្លៃខ្លួនកីឡាកររបស់ខ្លួន ៥០លានផោន (ឬប្រមាណ ៥៨លានដុល្លារអាមេរិក)។

គួររម្លឹកថា Martial បានផ្ទេរមកពីក្រុម Monaco កាលពីឆ្នាំ ២០១៥ ក្នុងតម្លៃ ៣៦លានផោន (ជិត ៥០លានដុល្លារអាមេរិក) ហើយរូបគេស៊ុតបានចំនួន ៧៨គ្រាប់ ក្នុងការបង្ហាញខ្លួនឲ្យក្រុម Man UTD ទាំងអស់ចំនួន ២៥៨ប្រកួត៕

ប្រភព៖ metro