កម្ពុជា៖ កាលពីល្ងាចថ្ងៃ សៅរិ៍ កន្លងទៅ ត្រូវនឹងថ្ងៃទី ២៤ ខែ កក្កដា ឆ្នាំ ២០២១ ក្រុម Phnom Penh Crown បានបើកទ្វាកីឡដ្ឋាន RSN របស់ខ្លួនទទួលស្វាគមន៍ក្រុមភ្ញៀវ Visakha នាការប្រកួតសប្តាហ៍ទី ១០ នៃក្នុងក្របខណ្ឌ Metfone Cambodia League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ការប្រកួតរបស់ក្រុមទាំងពីរបានបញ្ចប់ទៅដោយទទួលបានត្រឹមលទ្ធផលស្មើគ្នាតែប៉ុណ្ណោះ ក្នុងនោះក្រុម PPCFC ៣ និង ក្រុម Visakha ៣។
នៅក្នុងជំនួបកំពូលមួយនេះ ទោះបីមិនមានក្រុមណាទទួលបានលទ្ធផលឈ្នះចាញ់ក៏ពិតមែន ប៉ុន្តែពួកគេពិតជាធ្វើការវាយសម្រុកគ្នាខ្លាំងមែនទែន រហូតដល់បញ្ចប់ការប្រកួត ក្រុមទាំងពីរបានទម្លុះសំណាញ់ទីគ្នាទៅវិញទៅមកដល់ទៅ ៦ គ្រាប់ឯណោះ។
គួរបញ្ជាក់ថា កីឡាករ Nieto របស់ក្រុម PPCFC រកបាន ២ គ្រាប់ម្នាក់ឯងនៅនាទីទី ៣ និង ៥៦ ហើយមួយគ្រាប់ទៀតរបស់ក្រុមម្ចាស់ផ្ទះ គឺរកបានដោយកីឡាករ Valerii នៅនាទីទី ៣៩។ ចំណែកឯកីឡាករ កែវ សុខផេង របស់ក្រុម Visakha រកបាន ២ គ្រាប់ម្នាក់ឯងផងដែរ គឺនៅនាទីទី ៣៣ និង ៥៥, ខណៈមួយគ្រាប់ទៀតរបស់ក្រុមភ្ញៀវគឺជាការស៊ុតបញ្ចូលទីដោយកីឡាករ រ៉ឹង ប៊ុនហៀង នៅនាទីទី ៩០៕
សូមទស្សនាវីដេអូខាងក្រុម៖