អាល្លឺម៉ង់៖ ខ្សែការពារ Alphonso Davies នៃក្លិប Baywrn Munich បាននិយាយយ៉ាងរីករាយថា ខ្សែការពារ Luke Shaw នៃក្លិប Manchester United និង Andrew Robertson នៅក្លិបហង្សក្រហម Liverpool គឺជាកីឡាករឆ្នើមជាងរូបគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Shaw បានស្តាទម្រង់លេងឡើងវិញនៅរដូវកាលនេះរហូតដល់មានឱកាសបានចូលលេងនៅក្រុមជម្រើសជាតិអង់គ្លេសនិងបានជួយក្រុមលោកគ្រូ Gareth Southgate ទទួលបានចំណាត់ថ្នាក់ជើងឯករងនៅ Euro 2020 ទៀតផងខណៈដែល Andrew Robertson នៅតែជាខ្សែការពារឆ្នើមមួយរូបដែលលេចមុខសឹងតែគ្រប់ការប្រកួតរបស់ Liverpool និងបានដឹកនាំក្រុមជម្រើសជាតិស្កុតឡែន៍មកលេងនៅ Euro 2020 ដែរ។
Alphonso Davies ឯណេះវិញត្រូវបានគេចាត់ទុកថាជាខ្សែការពារវ័យក្មេងដ៏ពូកែមួយរូបដោយសារគេរត់លឿន ប៉ុន្តែក្នុងបទសម្ភាសន៍កំលុងពេលលេង Tiktok ជាមួយអ្នកគាំទ្រ គេបាននិយាយថា៖
ខ្ញុំទើបនឹងឃើញគេនិយាយថា Luke Shaw គឺច្បាស់ណាស់ តើអ្នកទាំងអស់គ្នាអាចពន្យល់ខ្ញុំបានទេ? ច្បាស់រឿងអី?
បន្ទាប់ពីនោះគេក៏បានអានសាររបស់អ្នកគាំទ្រម្នាក់ដែលផ្ញើមកនិងលាន់មាត់ថា៖
មានន័យថាគេល្អជាង? អូ៎ ខ្ញុំយល់ហើយ មានន័យថាគេល្អជាងខ្ញុំ ត្រូវហើយ!គេគឺជាកីឡាករដ៏ឆ្នើមម្នាក់។ អ៊ីចឹងមានន័ថារាល់ពេលដែលអ្នកនិយាយថា Luke Shaw គឺច្បាស់ណាស់ ឯ Robbo (Andrew Robertson) ច្បាស់ណាស់ គឺមានន័យថាពួកគេល្អជាងខ្ញុំ។ពិតណាស់ ត្រូវហើយៗ។
ប្រភព៖ goal
Bong I.T