គ្រូភ្នំពេញក្រោន បង្ហាញចំណាប់អារម្មណ៍យ៉ាងដូច្នេះ មុនប៉ះក្រុមវិសាខានាថ្ងៃស្អែក

យើងរីករាយដែលលីគបានត្រលប់មកវិញ ហើយយើងក៏លេងបាន២ប្រកួតហើយផងដែរ ពេលនេះយើងកំពុងតែរៀបចំក្រុមលេងជាមួយវិសាខា ដែលយើងរំពឹងថាជាការប្រកួតមួយដែលល្អ ព្រោះវិសាខាជាក្រុមដែលមានការគ្រប់គ្រងបាល់បានល្អ ដូច្នេះយើងអាចធ្វើតេស្តសមត្ថភាពរបស់យើង និងបង្ហាញការលេងរបស់ក្រុមយើងផងដែរ។ វិសាខាជាក្រុមដែលមានកីឡាករល្អៗច្រើន ហើយខ្ញុំគិតថាពួកគេជាក្រុមដែលមានការរៀបចំល្អ ពួកគេបានបង្ហាញពីការលេងបានល្អ មានការប្រកួតប្រជែងខ្ពស់ ខ្ញុំគិតថាវានឹងជាការប្រកួតមួយដ៏ជក់ចិត្តសម្រាប់អ្នកគាំទ្រ​ មានការប្រកួតប្រជែងខ្លាំងសម្រាប់ការប្រកួតនេះ ដូច្នេះវាជារឿងល្អមួយក្នុងវិស័យបាល់ទាត់។

សម្រាប់ការរៀបចំរបស់ក្រុមយើងវិញ គឺយើងធ្វើទៅតាមកាលវិភាគដែលយើងបានគ្រោងទុកដូចការប្រកួតមុនៗដែរ យើងបន្តការលេងតាមរបៀប និងគោលការណ៍របស់យើងទាំងតំបន់ប្រយុទ្ធ និងការពារ។​ ខ្ញុំអាចនិយាយបានថាការរៀបចំគឺនៅដដែល ព្រោះយើងមិនមែនរៀបចំសម្រាប់តែការប្រកួតតែមួយនេះទេ ប៉ុន្តែយើងរៀបចំគឺសម្រាប់ការប្រកួតប្រជែងសម្រាប់លីគទាំងអស់តែម្តង យើងមានការរំពឹងទុកជាច្រើនព្រោះចប់ពីការប្រកួតនេះទៅយើងមានការប្រកួតជាមួយណាហ្គា និងផ្សេងៗទៀត អញ្ចឹងយើងមានការរៀបចំសម្រាប់ការប្រកួតក្នុងលីគទាំងមូល។