អង់គ្លេស៖ ខ្សែបម្រើ Andreas Pereira នៃក្លិបបិសាចក្រហម Manchester United បានបង្ហើបថារូបគេចង់មានឱកាសទៅលេងនៅក្លិប Lazio ឯក្របខណ្ឌ Serie A ម្ដងទៀតបន្ទាប់ពីទៅលេងខ្ចីជើងនៅទីនោះនារដូវកាលមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិប្រេស៊ីលរូបនេះបានផ្ទេរពីក្លិប PSV Eindhoven តាំងពីឆ្នាំ២០១២ ដោយមុនដំបូងគេបានចូលលេងនៅឈុតយុវជនក្រោម១៧ឆ្នាំរបស់ Manchester United ប៉ុន្តែបន្ទាប់មកគេក៏ត្រូវក្លិបដាក់ឲ្យក្លិប Granada, Valencia និង Lazio ខ្ចីជើងជាបន្តបន្ទាប់។
តាំងពី Pereira បានចូលលេងនៅឈុតធំក្នុងឆ្នាំ២០១៥ដោយកាលណោះអតីតគ្រូបង្វឹក Louis Van Gaal នៅដឹកនាំដោយគេបានចូលលេង៧៥ប្រកួតនិងរកបាន៤គ្រាប់ព្រមទាំងបញ្ជូនបាល់៤គ្រាប់ទៀត។
ដូច្នេះហើយទើបពេលត្រឡប់មកពីខ្ចីជើងនៅ Lazio គឺកីឡាករវ័យ២៥ឆ្នាំរូបនេះហាក់បីដូចជាមានចិត្តចង់ចាកចេញពីទឹកដី Old Trafford ដោយសារខ្សែបម្រើឆ្នើមៗនៅ Man UTD មានច្រើនដូចជា Bruno Fernandes, Donny van de Beek និង Jesse Lingard ជាដើមទើបធ្វើឲ្យគេពិបាកដណ្ដើមជម្រើស១១នាក់ដំបូង។
Pereira បានថ្លែងប្រាប់ Sky Italia ថា៖
ខ្ញុំចង់ទៅលេងនៅ Lazio វិញបើសិនអាចនៅមានឱកាស។ ទីក្រុងរ៉ូមគឺជាផ្ទះមួយរបស់ខ្ញុំ ខ្ញុំមានពេលវេលាដ៏ល្អនៅទីនោះ។ខ្ញុំចូលចិត្តស្ទាយ៍នៃការលេងរបស់ពួកគេនិងការប្ដេជ្ញារបស់កីឡាករនៅ Serie A ។ Lazio តែងមានជាជម្រើសដំបូងក្នុងបេះដូងខ្ញុំ ប៉ុន្តែប្រទេសអ្នក(អ៊ីតាលី)បានឆក់យកបេះដូងខ្ញុំហើយ។ បើសិនជាមានឱកាស ខ្ញុំនឹងត្រឡប់ទៅលេងនៅទីនោះវិញ។
យ៉ាងណាមិញពេលផ្ទេរទៅលេរងនៅ Lazio គឺ Andreas Pereira បានចូលលេង២៦ប្រកួតដោយក្នុងនោះជាប់ជម្រើស១១នាក់ដំបូងបានតែ៣ប្រកួតគត់ ដោយគេរកបាន១គ្រាប់និងបញ្ជូនបាល់បាន២គ្រាប់៕
ប្រភព៖ mirror
Bong I.T