អឺរ៉ុប៖ យោងតាមរបាយការណ៍បានឲ្យដឹងថា ក្រុមបិសាចក្រហម Manchester United កំពុងពិចារណាលក់ខ្សែបម្រើ Paul Pogba ឲ្យទៅក្រុម PSG ខណៈកិច្ចសន្យារបស់កីឡាករសញ្ជាតិបារាំងរូបនេះ នៅសល់តែមួយឆ្នាំទៀតប៉ុណ្ណោះ ហើយក្លិបមិនចង់ទុកគេរហូតដល់លែងមានតម្លៃខ្លួនឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ Pogba ហាក់ពុំអាចបង្ហាញទម្រង់លេងដ៏ល្អរបស់ខ្លួនដូចកាលនៅលេងឲ្យក្រុមសេះបង្កង់ Juventus ទេ ចាប់តាំងពីផ្ទេរមកទឹកដី Old Trafford ក្នុងឆ្នាំ២០១៦។ ប៉ុន្ដែលោកគ្រូបង្វឹក Ole Gunnar Solskjaer ថាចង់រក្សារកីឡាកររូបនេះតទៀត។
សារព័ត៌មាន Daily Mail បាននិយាយថា ទោះជាយ៉ាងណាក្លិប Manchester United កំពុងពិចារណាលក់កីឡាករវ័យ ២៨ឆ្នាំរូបនេះ នៅរដូវក្ដៅនេះ ខណៈក្លិបអ្នកមានបារាំងចាប់អារម្មណ៍មកលើរូបគេខ្លាំង។
ទន្ទឹមនឹងនេះ បើតាមសារព័ត៌មាន Express Sport បានឲ្យដឹងដែរថា ក្លិបបិសាចក្រហមក៏បានសម្លឹងឃើញកីឡាករចំនួន ៤រូបដែរ ដើម្បីត្រៀមជំនួសកន្លែង Pogba ដែលរួមមានដូចជាកីឡាករ Jack Grealish របស់ Aston Villa, Eduardo Camavinga របស់ Stade Rennais FC, Saul Niguez របស់ Atletico Madrid និង Declan Rice របស់ West Ham ៕
ប្រភព៖ express