អេស្ប៉ាញ៖ កីឡាកររបស់ក្លិបអ្នកមានបុណ្យ Barcelona អាចប្រឈមនឹងការឡើងតុលាការបើសិនពួកគេមិនបានព្រមព្រៀងកាត់ប្រាក់ឈ្នួលតាមដែលក្លិបបានស្នើសុំ ខណៈដែល Barcelona កំពុងប្រឈមនឹងវិបត្តិហិរញ្ញវត្ថុ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្របខណ្ឌ LaLiga បានជូនដំណឹងដល់ក្លិបយក្សនៅតំបន់កាតាឡាន់នេះហើយដោយឲ្យក្លិបកាត់បន្ថយប្រាក់ខែកីឡាករក្នុងក្រុមឲ្យសមទៅនឹងច្បាប់របស់ក្របខណ្ឌបាល់ទាត់មួយនេះបើសិនជាចង់ចុះកុងត្រាយក កំពូលខ្សែប្រយុទ្ធ Lionel Messi និង កីឡាករផ្សេងទៀតដូចជា Sergio Aguero, Memphis Depay,Emerson Royal និង Eric Garcia ជាដើម។
គេបានទទួលដំណឹងថាមានកីឡាករក្នុងក្រុមខ្លះមិនទទួលសំណើកាត់ប្រាក់ឈ្នួលនោះឡើយហើយយោងតាមកាសែត Mundo Deportivo គឺ Barcelona ត្រៀមនឹងចាត់ចែងតាមផ្លូវច្បាប់ គឺប្ដឹងកីឡាករឡើងតុលាការតែម្ដង។
ខ្សែការពារ Jordi Alba និង Sergio Roberto ទំនងជាពិបាកក្នុងការទទួលយកការកាត់ប្រាក់ឈ្នួលនេះ ព្រោះពួកគេគិតថាវាជាចំនួនដ៏ច្រើន ស្របពេល Barcelona កំពុងព្យាយាមលក់កីឡាករក្នុងស្ដុកចេញដូចជា Samuel Umtiti និង Miralem Pjanic ជាដើម។
លោកប្រធានក្លិប Joan Laporta ទុកពេលឲ្យកីឡាករសម្រេចចិត្តរហូតដល់ថ្ងៃទី១៥ខែសីហាខាងមុខនេះ ព្រោះក្លិបពុំអាចរកចំណូលពីការលក់សំបុត្រចូលទស្សនាការប្រកួតឡើយដោយសារការផ្ទុះនៃជំងឺកូវីដ១៩ដោយកីឡដ្ឋានគ្មានអ្នកទស្សនាតាំងពីខែមីនាឆ្នាំ២០២០មកម៉្លេះ។
ក្រៅពីនោះដែរ ខ្សែការពារ Gerard Pique និង Sergio Busquets ព្រមទទួលយកការកាត់ប្រាក់ឈ្នួលនេះហើយ៕
ប្រភព៖ thesun