អង់គ្លេស៖ ខ្សែប្រយុទ្ធ Mason Greenwood នៃក្លិបបិសាចក្រហម Manchester United និងក្រុមជម្រើសជាតិអង់គ្លេស បាននិយាយថា ខ្សែការពារ Joe Bryan នៃក្លិប Fulham គឺជាកីឡាករដែលគេពិបាកទប់ទល់ជាមួយបំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករវ័យ១៩ឆ្នាំរូបនេះធ្លាប់លេងតទល់នឹងកីឡាករឆ្នើមៗជាច្រើននៅ Premier League និង Europa League ជាដើមប៉ុន្តែសម្រាប់គេ Bryan គឺជាកីឡាករមួយដែលដាក់សំពាធគេបានខ្លាំងបំផុត។
Bryan ដែលមានអាយុ២៧ឆ្នាំបានស៊ុតពីរគ្រាប់កាលឆ្នាំ២០១៩ ជួយឲ្យ Fulham ឡើងមកលេងនៅ Premier League សម្រាប់រដូវកាល២០២០-២០២១ វិញ ដោយគេថែមទាំងបានចូលលេងទល់នឹង Manchester United ទាំងពីរជើងដោយជើងទី១ Man UTD យកឈ្នះ ២ ទល់នឹង ១ ឯជើងទី២គឺលេងបានត្រឹមស្មើគ្នា ១ ទល់នឹង ១។
Greenwood បានកោតសរសើរ Bryan តាមរយៈ MUTV ថា៖
នេះជាសំណួរល្អណាស់ ខ្ញុំគិតថា Joe Bryan ជាកីឡាករដែលពិបាកទប់ទល់បំផុត កីឡាករនៅ Fulham ណា៎។ គេតាមបិទខ្ញុំមិនឲ្យមានផ្លូវរើរួចសោះ ទាំងការលេងនៅក្នុងដីនិងក្រៅដី ដែលវាជាការប្រកួតដ៏លំបាកមួយសម្រាប់ពួកយើង។ គេជាមនុស្សដែលអ្នកមិនគិតទេថាខ្ញុំនឹងនិយាយឈ្មោះគេ ប៉ុន្តែគេពិតជាតាមបិទខ្ញុំបានល្អណាស់ មិនឲ្យខ្ញុំមានប្រឡោះរួចទេ។ គេជាខ្សែការពារដ៏ល្អម្នាក់ ហើយប្រហែលជាកីឡាករដែលខ្ញុំពិបាកនឹងទប់ទល់បំផុត៕
ប្រភព៖ metro
Bong I.T