ទំនងអត់?​ Man Utd ចង់វ៉ៃដូរ Van de Beek ទៅកាន់ Barcelona ដើម្បីយកកីឡាកររូបនេះ

អឺរ៉ុប៖ ខ្សែបម្រើក្លិប Manchester United កីឡាករ Donny van de Beek ត្រូវបានគេរាយការណ៍ ទទួលបានសំណើរឲ្យផ្លាស់ទៅកាន់ Barcelona ដើម្បីប្តូរយកកីឡាករ Samuel Umtiti មកកាន់កីឡដ្ឋាន Old Trafford។

ជាការពិតណាស់ ក្នុងរដូវកាលដំបូងរបស់ Van de Beek នៅ Man Utd គឺ រូបគេមិនសូវទទួលបាននាទីបង្ហាញខ្លួននៅលើទីលានឡើយ ដោយ រូបគេបានលេងជាជម្រើសដំបូងបានតែបួនប្រកួតប៉ុណ្ណោះ ហើយ កីឡាករសញ្ជាតិហូល្លង់ខាងលើ ក៏មានពាក្យចចាមអារ៉ាមក្នុងការចាកចេញផងដែរ។

បើយើងត្រឡេកទៅ Umtiti វិញ ពេលនេះគេបានវិលត្រឡប់មកហ្វឹកហាត់ជាមួយមិត្តរួមក្រុមវិញហើយក្រោយធូរស្បើយពីរបួស ប៉ុន្តែ Barcelona ប្រហែលជាមិនមានបំណងចង់រក្សារូបគេឡើយដោយសាររូបគេមានប្រាក់ពលកម្មខ្ពស់ស្របពេលដែលក្លិបកំពុងជួបនូវបញ្ហាហិរញ្ញវត្ថុ។

ទន្ទឹមនឹងនេះផងដែរ បើយោងទៅតាមរបាយការណ៍មួយចំនួនបានលើកឡើងថា Man Utd បានផ្ញើសំណើទៅកាន់ Barcelona ក្នុងគោលបំណងចង់បាន Umtiti មករួមក្រុម ហើយ ក្លិបនឹងផ្តល់ Van de Beek ទៅឲ្យក្លិបយក្សអេស្ប៉ាញខាងលើវិញក្នុងលក្ខខណ្ឌប្តូរកីឡាករគ្នា៕

ប្រភព៖ sportsmole