មូលហេតុនេះសោះបានជា Jin ចោលក្តីស្រម៉ៃ ជាតារាសម្តែងរយៈពេល៨ឆ្នាំ ហើយរើសយក BTS វិញ

កូរ៉េខាងត្បូង ៖ សមាជិកក្រុម BTS ដែលជាតារាចម្រៀងដ៏ពេញនិយម និងមានទេពកោសល្យបំផុតនៅសព្វថ្ងៃនេះ ក្រៅពីសមត្ថភាពក្នុងការច្រៀង និងសម្តែង ក្រុម BTS ក៏មានផ្នែកជាច្រើនទៀតដែលពួកគេពូកែផងដែរ។ សម្រាប់ RM និង Suga គឺមានសមត្ថភាពក្នុងការតែងនិពន្ធ ខណៈពេលដែល Jin គឺជាសមត្ថភាពក្នុងការធ្វើសម្តែង។

ទន្ទឹមនឹងនោះ ARMYs ដឹងទាំងអស់ថា Jin មុនពេលដែលលោកយល់ព្រមចូលរួម ជាមួយផលិតកម្ម BigHit គឺលោកមានក្តីសុបិន្តចង់ក្លាយជាតារាសម្តែង ជាមួយនឹងមុខមាត់ដ៏ស្រស់ស្អាតរបសលោក ក៏ដូចជាចរិតល្អរបស់ខ្លួន Jin អាចក្លាយជាតារាសម្តែងដ៏ល្បីល្បាញម្នាក់នៅលើពិភពលោកបាន។ ក្នុងនោះ តារាល្បីៗ ជាច្រើនបានកោតសរសើរការសម្តែងរបស់តរាប្រុសរូបនេះផងដែរ សូម្បីតែក្រោយពេលដែលលោកបានក្លាយជាផ្នែកមួយ នៃក្រុម BTS ហើយក៏ដោយ។

ចំណែក Jin វិញដំបូងឡើយ លោកបានបញ្ចប់ការសិក្សាពីការសម្ដែងនៅមុខងា Konkuk Acting Major ហើយដោយសារតែមានទាំងទេពកោសល្យសម្ដែងធម្មជាតិ និងរូបរាងសង្ហារដ៏អស្ចារ្យ ក៏ត្រូវបានគេទទួលយកនៅលើការចូលរៀនដំបូង បន្ទាប់ពីការប្រលងសម្តែងពីរបីដង និងសូម្បីតែលើកដំបូងពីសាលាសម្ដែងរបស់លោក។

ទោះយ៉ាងណាក៏ដោយ នៅពេលជ្រើសរើសក្លាយជាផ្នែកសំខាន់មួយនៃក្រុម BTS ជីវិតរបស់ Jin បានផ្លាស់ប្តូរ លោកក៏បានបង្ហើបថា នេះជាការផ្លាស់ប្តូរ និងការសម្រេចចិត្តដែលលោកមិនដែលសោកស្តាយនោះទេ ជាពិសេសនៅក្នុងវគ្គចុងក្រោយនៃ BTS in the soop ក្នុងនោះ Jin និង Suga បាននិយាយពីអតីតកាលរបស់ពួកគេ អំពីជម្រើសជីវិតនៅអតីតកាល និងអនាគតហើយនិងអ្វីដែលពួកគេសង្ឃឹមថានឹងធ្វើ ប្រសិនបើពួកគេមិនក្លាយជាតារាចម្រៀង។

ខណៈពេលដែល Jin បាននិយាយថា Suga នឹងទទួលបានជោគជ័យក្នុងវិស័យអ្វីក៏ដោយ ដែលលោកធ្វើប៉ុន្តែ Suga ជឿថា Jin នឹងក្លាយជាតារាសម្តែងប្រសិនបើលោកចង់ ហើយ Jin បានឆ្លើយថា ៖

បន្ទាប់ពីការលំបាក នាពេលកន្លងមក ដើម្បីឱ្យមានភាពល្បីល្បាញ និងទទួលបានជោគជ័យដូចសព្វថ្ងៃនេះ BTS តែងតែនៅជាមួយគ្នាដោយជំនឿចិត្ត និងការតស៊ូក្នុងការតាមរកក្តីស្រម៉ៃរបស់ពួកគេ៕

ប្រភព : Worldhours24