ចិន៖ ភ្លៀងធ្លាក់ខ្លាំងបានបណ្ដាលឲ្យមានទឹកជំនន់ដ៏ធំ នៅផ្នែកខ្លះនៃភាគកណ្ដាលប្រទេសចិន ដែលបង្ខំឲ្យប្រជាជនចេញពីលំនៅដ្ឋាន ចាកចេញពីស្ថានីយ និងផ្លូវថ្នល់។ ប្រជាជនជាងមួយសែននាក់នៅខេត្ត Henan ត្រូវបានជម្លៀសទៅកាន់ទីជម្រកសុវត្ថិភាព បន្ទាប់ពីមានធ្លាក់ខ្លាំង។ អាជ្ញាធរនៅទីនោះបានបញ្ជាក់ថា យ៉ាងហោចណាស់មានមនុស្ស១២នាក់បានស្លាប់ នៅក្នុងទីក្រុង Zhengzhou ចាប់តាំងពីទឹកជំនន់បានចាប់ផ្ដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីក្រុងជាច្រើនបានរងផលប៉ះពាល់ ដោយផ្លូវសំខាន់ៗបង្ខំឲ្យបិទ ហើយជើងហោះហើរនានាត្រូវបានលុបចោល។ ខេត្ត Henan ដែលមានប្រជាជនប្រមាណ៩៤លាននាក់ បានប្រកាសអាសន្នកម្រិតអាកាសធាតុខ្ពស់បំផុត បន្ទាប់ពីមានភ្លៀងធ្លាក់ខ្លាំងខុសធម្មតា។ កត្តាជាច្រើនបានរួមចំណែកដល់ការកើតមានទឹកជំនន់ ប៉ុន្តែបរិយាកាសក្ដៅដែលបណ្ដាលមកពីការប្រែប្រួលអាកាសធាតុ ធ្វើឲ្យមានភ្លៀងធ្លាក់ខ្លាំង។
មានការភ័យខ្លាចផងដែរថា ទំនប់មួយនៅក្នុងខេត្ត Henan អាចនឹងបាក់រលំ បន្ទាប់ពីវាត្រូវបានបំផ្លាញដោយព្យុះនាពេលថ្មីៗនេះ។ ក្រុមមន្ត្រីបាននិយាយថា ស្នាមប្រេះប្រវែង២០ម៉ែត្របានលេចចេញនៅក្នុងទំនប់ ក្នុងទីក្រុង Luoyang។ ទាហានត្រូវបានគេដាក់ពង្រាយនៅតំបន់នោះ ហើយសេចក្ដីថ្លែងការណ៍របស់កងទ័ពបានព្រមានថា វាអាចបាក់រលំនៅពេលណាក៏បាន។
ក្រុមអ្នកជួយសង្គ្រោះត្រូវបានគេមើលឃើញថា កំពុងទាញមនុស្សឲ្យមានសុវត្ថិភាព ដោយប្រើប្រាស់ខ្សែពួរ។ គេមិនទាន់ដឹងថា មានមនុស្សប៉ុន្មាននាក់ទេដែលត្រូវជាប់គាំង ប៉ុន្តែមានមនុស្សរាប់រយនាក់ត្រូវបានរាយការណ៍ថា ត្រូវបានគេជួយសង្គ្រោះ៕
ប្រភព: BBC