Barca ចង់ប្ដូរ Griezmann យកកីឡាកររបស់ Juventus ម្នាក់នេះ ក្រោយបរាជ័យក្នុងការចរចាដូរយក Saul

អេស្ប៉ាញ៖ ក្លិបអ្នកមានបុណ្យ Barcelona កំពុងពិចារណាដាក់ ខ្សែប្រយុទ្ធ Antoine Griezmann ប្ដូរយកខ្សែប្រយុទ្ធ Paulo Dybala ពី Juventus បន្ទាប់ពីការចរចាប្ដូរ Griezmann យក Saul Niguez ពី Atletico Madrid បានបរាជ័យ។

Barcelona កំពុងត្រូវការកាត់បន្ថយកីឡាករក្នុងក្រុមជាចាំបាច់ដើម្បីបន្ថយប្រាក់ឈ្នួលដើម្បីអាចចុះកុងត្រាយក កំពូលខ្សែប្រយុទ្ធ Lionel Messi, Emerson Royal ,Sergio Aguero,Memphis Depay និង Eric Garcia ហើយដោយសារ Griezmann ទទួលបានប្រាក់ឈ្នួលរាងខ្ពស់គឺដល់ទៅ ៣០០,០០០ផោន (ស្មើនឹងប្រមាណ៤សែនដុល្លារអាមេរិក) ក្នុងមួយសប្តាហ៍ឯណោះទើបក្លិបចង់លក់គេចេញឲ្យឆាប់ៗ។

Griezmann ទើបតែត្រឡប់មកហ្វឹកហាត់ជាមួយ Barcelona ដើម្បីត្រៀមបើករដូវកាលថ្មី តែ ក្លិបកំពុងគិតគូយកគេទៅប្ដូរយកខ្សែប្រយុទ្ធ Dybala ពី Juventus មកវិញដោយសារ Dybala ស៊ីប្រាក់ឈ្នួលទាបជាង Griezmann។

Dybala នៅសល់កុងត្រាតែ១២ខែទៀតប៉ុណ្ណោះ ខណៈដែលរកបាន៥គ្រាប់និងបញ្ជូនបាល់៣គ្រាប់នៅរដូវកាលមុន ហើយមកទល់ពេលនេះពុំទាន់មានការប្រកាសផ្លូវការណាថាគេបន្តកុងត្រាជាមួយក្លិបឡើយប៉ុន្តែគេមិនទាន់ដឹងថា Juventus នឹងឆ្លើយតបយ៉ាងណានោះឡើយ។

Antoine Griezmann ឯណេះវិញចង់ត្រឡប់ទៅទ្រនំចាស់ Atletico Madrid វិញដោយលោកគ្រូ Diego Simeone នៅតែទុកចិត្តកូនក្រុមរូបនេះ៕

ប្រភព៖ dailymail