ចាកាតា៖ យោងតាមសមាគមវេជ្ជបណ្ឌិត បានឱ្យដឹងថា ជំងឺដ៏កាចសាហាវកូវីដ១៩ បានបន្តឆក់យកជីវិតវេជ្ជបណ្ឌិតឥណ្ឌូណេស៊ី ជាច្រើននាក់បន្ថែមទៀត នៅពាក់កណ្តាលខែកក្កដានេះ ខណៈវត្តមានវីរុសកូវីដបំប្លែងខ្លួនថ្មី កំពុងឆ្លងរាលដាលកាន់តែខ្លាំងនៅទូទាំងប្រទេស។ នេះបើតាមប្រភពព័ត៌មាន usnews។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមន្រ្តីមកពីសមាគមវេជ្ជបណ្ឌិតឥណ្ឌូណេស៊ី ហៅកាត់ (IDI) បានបញ្ជាក់នៅក្នុងសន្និសីទសារព័ត៌មានថា ក្នុងកំឡុងថ្ងៃទី ១ ដល់ទី១៧ ខែកក្កដា មានវេជ្ជបណ្ឌិតសរុបចំនួន ១១៤ នាក់បានស្លាប់ ហើយបើគិតចាប់តាំងពីមានការផ្ទុះឆ្លងរាលដាលកូវីដ១៩ ដំបូងមក មានវេជ្ជបណ្ឌិតឥណ្ឌូណេស៊ី រហូតដល់ទៅ ៥៤៥នាក់ បានស្លាប់បាត់បង់ជីវិត។
ករណីស្លាប់របស់វេជ្ជបណ្ឌិត បានកើនឡើងនៅក្នុងប្រទេសឥណ្ឌូណេស៊ី ទោះបីជាមានអត្រាចាក់វ៉ាក់សាំងបាន ៩៥ ភាគរយក្នុងចំណោមបុគ្គលិកសុខាភិបាលក៏ដោយ។ ប្រការនេះ បានជំរុញឲ្យរដ្ឋាភិបាលសម្រេចប្រើវ៉ាក់សាំង Moderna ជាការបង្ការរោគបន្ថែម ពីលើវ៉ាក់សាំង Sinovac សម្រាប់បុគ្គលិកសុខាភិបាល។
គួរឱ្យដឹងដែរថា ករណីឆ្លងវីរុសបំប្លែងខ្លួនកូវីដ១៩ Delta ហាក់មានការកើនឡើងនៅឥណ្ឌូណេស៊ី ច្រើនជាងប្រទេសដទៃទៀតនៅលើពិភពលោក។ ហើយគិតមកទល់ពេលនេះ ឥណ្ឌូណេស៊ី មានករណីឆ្លងសរុប ២,៩១១,៧៣៣ករណី ជាសះស្បើយ ២,២៩៣,៨៧៥ករណី និងស្លាប់សរុប ៧៤,៩២០ករណី៕
Bong I.T