ពុទ្ធបរិស័ទ ដែលមានទំនាក់ទំនងជាមួយព្រះសង្ឃ​ និងឧបាសកក្នុងវត្តទូលទំពូង សូមដាក់ខ្លួនដាច់ដោយឡែក

ភ្នំពេញ៖ ថ្មីៗនេះ នៅវត្តទួលទំពូងមានការឆ្លងជំងឺកូវីដ១៩ ដែលមានព្រះសង្ឃ​ រួមទាំងឧបាសកចំនួន ៤៣អង្គ ត្រូវបានធ្វើតេស្តរកឃើញ វិជ្ជមានកូវីដ១៩ ដែលធ្វើឱ្យអាជ្ញាធរកំពុងស្រាវជ្រាវរកអ្នកឆ្លងជាបន្តបន្ទាប់ទៀតផងដែរ។

ដោយឡែក ថ្ងៃទី០៩ ដល់ថ្ងៃទី ១៨ ខែកក្កដា​ ឆ្នាំ២០២១ ប្រសិនជាពុទ្ធបរិស័ទ ដែលបានទៅ​​ ឬមានទំនាក់ទំនងជាមួយព្រះសង្ឃ​ និងឧបាសក ដែលគង់ ឬរស់នៅក្នុងវត្តមណីរតនារាម ទួលទំពូង ឬវត្តទួលទំពូង ដែលមានទីតាំងស្ថិតនៅ សង្កាត់ទួលទំពូង១ ខណ្ឌចំការមន សូមតាមដានសុខភាពខ្លូនឯង និងដាក់ខ្លួនដាច់ដោយឡែក ១៤ ថ្ងៃ។

អាស្រ័យហេតុនេះ សូមបងប្អូនទាំងអស់គ្នា មេត្តាពាក់ម៉ាស់ រក្សារគម្លាត ឧស្សាហ៍លាងដៃ គ្រប់ទីកន្លែង គ្រប់ពេលវេលា ដើម្បីសុវត្ថិភាព៕

សូមចូលទស្សនារូបភាពខាងក្រោម៖