អៀរឡង់ខាងជើងជាតំបន់មានសីតុណ្ហភាពត្រជាក់ ពេលនេះបំបែកកំណត់ត្រា ឡើងកម្ដៅមិនគួរឲ្យជឿ

បរទេស៖ សីតុណ្ហភាពនៅអៀរឡង់ខាងជើងបានឡើងដល់កម្ពស់បំបែកឯតទគ្គកម្ម កាលពីថ្ងៃសៅរ៍ ក៏ព្រោះតែទែម៉ូម៉ែត្របង្ហាញសីតុណ្ហភាពកើនឡើងខ្ពស់ជាង៣០អង្សាសេ។ វាជាថ្ងៃក្ដៅបំផុត នៅតំបន់ Ballywatticock ដែលមានសីតុណ្ហភាព៣១.២អង្សាសេ។ កម្រិតសីតុណ្ហភាពខ្ពស់ពីមុនគឺ៣០.៨អង្សាសេ នៅរដូវក្ដៅ ឆ្នាំ១៩៧៦និង១៩៨៣។

សីតុណ្ហភាពបំបែកកំណត់ត្រាបណ្ដាលមកពីកត្តាជាបន្តបន្ទាប់ រហូតនាំឲ្យកើតមានដូចសព្វថ្ងៃ។ ថ្ងៃក្ដៅបំផុតប្រចាំឆ្នាំត្រូវបានកត់ត្រាជាបណ្ដោះអាសន្ននៅក្នុងប្រទេសចំនួន៣ផ្សេងទៀតក្នុងចក្រភពអង់គ្លេស ហើយវាអាចកាន់តែក្ដៅនៅថ្ងៃអាទិត្យ។

នៅប្រទេសអង់គ្លេស សីតុណ្ហភាព៣០.៧អង្សាត្រូវបានកត់ត្រានៅភូមិ Linton-on-Ouse ក្នុងតំបន់ North Yorkshire។ ចំណែកនៅក្នុងប្រទេសវែល ក្រុង Usk ក្នុងតំបន់ Monmouthshire បានកើនឡើងដល់សីតុណ្ហភាព២៩អង្សាសេ និង​ក្នុងប្រទេសស្កុតឡេន សីតុណ្ហភាព២៨.២អង្សាសេត្រូវបានកត់ត្រានៅ Threave ក្នុងតំបន់ Dumfries and Galloway៕

ប្រភព: BBC