អេស្ប៉ាញ៖ ក្លិបអ្នកមានបុណ្យ Barcelona មិនទាន់មានការចរចាជាផ្លែផ្កាណាមួយជាមួយខ្សែបម្រើ Ilaix Moriba នៅឡើយទេបើទោះបីជាក្លិបបានស្នើកុងត្រាថ្មីក៏ដោយ ហើយឥលូវក្លិបថែមទាំងសង្ស័យថា Real Madrid ជាអ្នកនៅពីក្រោយការមិនបន្តកុងត្រាថ្មីរបស់កីឡាករវ័យក្មេងរូបនេះទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែបម្រើវ័យ១៨ឆ្នាំរូបនេះមានសុពុលភាពកុងត្រាជាមួយ Barcelona ដល់ឆ្នាំ២០២២ប៉ុណ្ណោះខណៈដែលគេត្រូវរុញឲ្យទៅលេងនៅឈុតយុវជនវិញព្រោះ Barcelona បានជូនដំណឹងថាទាល់តែគេបន្តកុងត្រាថ្មីទើបអាចលេងនៅឈុតធំបាន។
លោកគ្រូ Ronald Koeman បានអនុញ្ញាតឲ្យ Moriba ឡើងមកលេងឈុតធំនៅឆ្នាំមុនដោយគេបានចូលលេងបាន១៨ប្រកួតផងដែរ។ Moriba ដូចជាសប្បាយចិត្តក្នុងការស្នាក់នៅជាមួយ Barcelona ប៉ុន្តែឥលូវនេះស្ថានភាពរបស់គេជាមួយក្លិបទំនងជាមិនសូវល្អឡើយ។
ព័ត៌មានចចាមអារ៉ាមខ្លះថា កីឡាករសញ្ជាតិអេស្ប៉ាញរូបនេះគិតថាក្លិបផ្ដល់ប្រាក់ឈ្នួលឲ្យគេតិចពេក ហើយឥលូវនេះ Barcelona សង្ស័យថា Real Madrid លួចបញ្ចុះបញ្ចូលឲ្យ Moriba មិនបន្តកុងត្រាថ្មីដើម្បីផ្ទេរទៅលេងទឹកដី Santiago Bernabeu ៕
ប្រភព៖ goal