អ៊ីតាលី៖ ខ្សែបម្រើ Jorginho នៃក្លិប Chelsea និងក្រុមជម្រើសជាតិអ៊ីតាលី បានចេញមុខមកបកស្រាយបន្ទាប់ពីអ្នកគាំទ្រនិងគេហទំព័របាល់ទាត់ជាច្រើនបានចុះផ្សាយថាគេជាម្នាក់ក្នុងចំណោមបេក្ខភាពជាច្រើននាក់ដែលអាចនឹងឈ្នះបាល់មាស ballon d'Or បាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅរដូវកាលនេះ កីឡាករសញ្ជាតិអ៊ីតាលីរូបនេះបានឈ្នះពាន Champions League ជាមួយ Chelsea ហើយក៏បន្តលើកពាន Euro 2020 ជាមួយក្រុមជម្រើសជាតិអ៊ីតាលីទៀតផងដែលកាន់តែធ្វើឲ្យគេមានប្រៀបក្នុងការឈ្នះពានបាល់មាសផងដែរ។
ទន្ទឹមគ្នានោះដែរ បេក្ខភាពដែលនាំមុខគេក្នុងការឈ្នះ ballon d'Or គឺ កំពូលខ្សែប្រយុទ្ធ Lionel Messi ដែលទើបនឹងលើកពាន Copa America ជាមួយក្រុមជម្រើសជាតិអាហ្សង់ទីនប៉ុន្តែ Jorginho បាននិយាយថាទោះគេប្រៀបមិនបាននឹង Messi ក៏ដោយក៏គេជឿថាគេបានឈ្នះពានរង្វាន់ច្រើនជាងអ្នកណាទាំងអស់។
កីឡាកររូបនេះបានថ្លែងថា៖
ពួកយើងគ្រប់គ្នាសុទ្ធតែមានក្ដីស្រមៃ ប៉ុន្តែបើនិយាយឲ្យស្មោះត្រង់ទៅគឺ ការសម្រេចចិត្តយកអ្នកឈ្នះគឺស្ថិតលើស្ថានភាពជាក់ស្ដែង។ បើនិយាយពីទេពកោសល្យ ខ្ញុំដឹងថាខ្ញុំមិនមែនជាកីឡាករល្អបំផុតទេប៉ុន្តែបើនិយាយពីពានរង្វាន់គឺ គ្មានអ្នកណាឈ្នះពានរង្វាន់បានច្រើនជាងខ្ញុំនៅរដូវកាលនេះឡើយ។ តើខ្ញុំទៅប្រៀបធៀបនឹង Messi, Neymar និង Cristiano Ronaldo បានយ៉ាងម៉េចទៅ? ពួកគេជាកីឡាករមានបុគ្គលិកលក្ខណៈខុសប្លែកពីខ្ញុំខ្លាំងណាស់។ ប៉ុន្តែខ្ញុំនិយាយម្ដងទៀត គ្រប់យ៉ាងគឺអាស្រ័យលើស្ថានភាពជាក់ស្ដែង៕
ប្រភព៖ marca
Bong I.T